Aba Filipi 2:26 - IBAYIBOLO 2024

²⁶ Pakuti akusamba nkani pakubennya mwebosi, sona akuyimba nkani mumoyo pachifukwa ichakuti mukivwa ukuti akabinagha.

Ulufingo Ulupya

²⁶ Pakuti akusamba nkani pakubennya mwebosi, sona akuyimba nkani mumoyo pachifukwa chakuti mukivwa ukuti akabinagha.

Aba Filipi 2:26 Iomraidhean Croise

2 Samuweli 13:39

Bo u mwene aluvya nizya bufwe ubwa Amunoni, akamusamba nkani u Abisalomu.

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

Yobu 9:27

Nanti nkuti, ‘Nkwiza pakuluvya amilumbusyo ghane, ntakwiza pakuba ni chitima nalumolumo, po nkwiza pakuhoboka.’

Masalimo 69:20

Umusamu ghunughu wanvulazya nkani mumoyo, sona na maka ghope ghangwiliye. Nkalondagha nkani ngali umuntu yumo ampelele ichisa, loli intakamwaghapo nayumoyumo. Nkalondagha nkani ngali abantu bansangalusya, loli atakabapo umuntu nayumoyumo.

Ivyili 12:25

Ichitima chikuba ngati we katundu umung'wamu mumoyo uwa muntu, loli akanenele akiza kakumusangalusya.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Matayi 11:28

“Zagha kukwane, mwebosi mwe mulitite nukung'wamilwa nintamyo, po nkwiza pakubapa ubutuzyo.

Matayi 26:37

Akamusenda u Pitala poka na bana babili aba Zebediya. Akaba ni chitima nukuyimba nkani mumoyo wache.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Aba Loma 1:11

Pakuti nkulonda nkani pakubennya ukuti imbagabile ulusayo ulwa buzimu ukuti lubape amaka.

Aba Loma 12:15

Hobokagha poka na babo bahobokite, lilagha poka na babo bakulila.

Aba Loma 9:2

bo nkunena ukuti indi ni chitima ichikulu nkani, sona umoyo wane ghukubaba ukusita ukumala,

1 Aba Kolinti 12:26

Nanti ichigaba choka chikwivwa ukubaba, ivigaba vyosi vikwivwila poka ukubaba nacho. Nanti ichigaba choka chikuchindikiwa, ivigaba vyosi vikuhobokela poka nacho.

2 Aba Kolinti 9:14

Po bakwiza pakulanjizya ulughano lwabo nukubiputila nkani pakuti u Chala akabalanjizya nkani ichisa.

Aba Galatiya 6:2

Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu.

Aba Efeso 3:13

Po losi ulu nkubalaba ukuti mutakanyokele kwisinda pachifukwa ichakubayimbila, chicho buchindamu bwinyu.

Aba Filipi 1:3

Nkumupalizya u Chala wane akabalilo kosi kako nkubakumbuka.

Aba Filipi 1:8

U Chala we kaboni wane ukuti nkunena ubwanaloli, bo nkunena ukuti nkubasamba nkani, sona we kaboni wane ukuti imbaghanite nkani ukuyana namumo u Kilisitu u Yesu abaghaniye.

Aba Filipi 2:25

Loli ninong'onagha ukuti chakulondiwa pakumutuma umukamu witu u Epafulodito kukwinyu, umubombi uwamwitu, sona umusilikali uwamwitu, intumi yinyu, yuyo mukamutuma pakunyavwa ane muvyakusobelwa vyane.

Aba Filipi 2:27

Momumo akabina nkani, umwakuti akapalamilagha kubufwe. Loli u Chala akamupelela ichisa, sona atakamupelela ichisa mwene, loli akampelela ichisa nane bulo, umwakuti intakabe ni chitima nkani.

Aba Filipi 4:1

Polelo bakamu bane, imbaghanite, sona nkubasamba nkani. Amwe mwe buhobosu bwane, sona ni mpumpu yane yiyo nkwituvikizyamo. Po baghaniwa bane, mwimaye nkani mwa Mwene.

1 Pitala 1:6

Musekelaye na zinizi, napapo ilelo mubaghiye pakuba ni chitima pakabalilo akapimpa pakuyeliwa ni njelo izyakulekanalekana.