Aba Filipi 2:25 - IBAYIBOLO 2024

²⁵ Loli ninong'onagha ukuti chakulondiwa pakumutuma umukamu witu u Epafulodito kukwinyu, umubombi uwamwitu, sona umusilikali uwamwitu, intumi yinyu, yuyo mukamutuma pakunyavwa ane muvyakusobelwa vyane.

Ulufingo Ulupya

²⁵ Loli ninong'onagha ukuti chakulondiwa pakumutuma umukamu witu u Epafulodito kukwinyu, umubombi uwamwitu, sona umusikali uwamwitu, intumi yinyu, yuyo mukamutuma pakunyavwa ane muvyakusobelwa vyane.

Aba Filipi 2:25 Iomraidhean Croise

Ivyili 25:13

Ngati bukatazu ubwa kabefu pakabalilo akakwinula, momumo yibeleye intumi insubiliwa ku babo bayitumite, akusangalusya umoyo uwa mwene wache.

Yohani 13:16

Naloli nkubabuzya ukuti umuzya atakubapo nalumolumo wapamwanya ukumuchila u mwene wache, awe, sona umutumiwa atakubapo nalumolumo uwapamwanya ukumuchila yuyo akamutuma.

Yohani 17:18

Ngati mumo ukantumila muchisu ichapasi, umwakuyana bulo, nane nabatuma muchisu ichapasi.

Aba Loma 16:3

Mundamukileko u Pulisika nu Akwila, ababombi abamwitu mumbombo iya Kilisitu u Yesu,

Aba Loma 16:9

Mundamukileko sona nu Ulubana, umubombi uwamwitu mumbombo iya Kilisitu, sona nu Sitaki, yuyo mughaniwa wane.

1 Aba Kolinti 3:9

Pakuti aswe tukubombela poka imbombo iya Chala, amwe mwe mughunda uwa Chala, sona mwe Nyumba iya Chala.

2 Aba Kolinti 2:13

Loli nkatamiwa nkani mumoyo wane pakuti intakamwagha umukamu witu u Titi kulakula. Po nkalaghana nabo nukubuka ku Makedoniya.

Aba Filipi 2:26

Pakuti akusamba nkani pakubennya mwebosi, sona akuyimba nkani mumoyo pachifukwa ichakuti mukivwa ukuti akabinagha.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Aba Kolosi 1:7

Mukamanyila nizya chisa icha Chala kwa Epafula, umubombi uwamwitu umughaniwa, yuyo mubombi umusubiliwa uwa Kilisitu mubuzilo bwitu.

Aba Kolosi 4:11

Wepe u Yoshwa, yuyo sona bakutinji Yusito, akubalamuka. Abantu batatu aba bo babo ba Yuda bene babo indi nabo nukubombelana poka nabo mu Bumwene ubwa Chala, sona banyavwa nkani.

1 Aba Tesalonika 3:2

Tukamutuma u Timoti, yuyo we mukamu witu, sona mubombi uwamwitu mumbombo iya Chala iyakulumbilila Amazyu Amiza agha Kilisitu pakubapa amaka nukubakazya mulwitiko lwinyu,

Filimoni 1:24

Ababombi abamwitu, u Maliko nu Alisitalika nu Dema, sona nu Luka bope bakukulamuka.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.