Aba Filipi 2:21 - IBAYIBOLO 2024

²¹ Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Ulufingo Ulupya

²¹ Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Aba Filipi 2:21 Iomraidhean Croise

2 Abamwene 12:6

Loli mumwaka uwa 23 bo u Yowashi akulaghila, abaputi bala bakaba bachili batayiyanizye sona Inyumba iya Chala.

Yesaya 56:11

Bali ngati zyo mbwa zizyo zili nizala, zizyo zitakwikuta nalumo. Bo badimi babo batakwivwisya, bosi bapulumpa izila zyabo, umuntu wesi ali pakulonda ichakukabilapo.

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Matayi 16:24

Po u Yesu akababuzya abamanyili bache akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

Imbombo 13:13

U Pabuli na bamanyani bache bakenda pa bwato ukufuma mu Pafosi nukubuka mu Peliga, akaya akakulu nkani aka mu Pamfiliya. Kulakula u Yohani Maliko akabaleka nukunyokela mu Yelusalemu.

Imbombo 15:38

loli u Pabuli akinong'ona ukuti chitangaba chizapo pakumusenda pachifukwa ichakuti akabatoloka mu Pamfiliya, sona atakendelela pakubomba nabo imbombo yabo.

1 Aba Kolinti 10:24

Atakabepo umuntu uwakwinong'onela ivyache vyene, loli abinong'onelaye ubwiza na banji bulo.

1 Aba Kolinti 10:33

Ane nkuyezya pakubahobosya abantu bosi muvyosi vivyo nkubomba, ukusita ukwinong'onela ivyane vyene bulo. Loli nkubinong'onela ubwiza abantu bosi, umwakuti bangapokiwa.

1 Aba Kolinti 13:5

Ulughano lute lwamadinko, pamo lwakwiyighana lwene, awe. Ulughano lutakukalala mwalwe, pamo ukusunga ububibi kusingo.

2 Aba Kolinti 1:5

Pakuti ukayana namumo tukugabanilana intamyo inyinji izya Kilisitu, po momumo sona tukugabanilana ubusangalusu ubukulu ukwendela mwa Kilisitu.

Aba Filipi 2:4

Umuntu wesi atakinong'onelaye ni vyache vyene, loli inong'onelaye nivya bantu abanji bulo.

2 Timoti 1:15

Uzimenye ukuti abantu bosi aba muchigaba icha Asiya, ukonjelezyapo u Figeli nu Helemogeni, bakantoloka.

2 Timoti 3:2

Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

2 Timoti 4:10

Pachifukwa icha kuvighana ivintu ivya muchisu ichapasi, u Dema akantoloka nukubuka ku Tesalonika. U Kilisikeni akabuka ku Galatiya, sona wepe u Titi akabuka ku Dalimatiya.

2 Timoti 4:16

Pakabalilo akakwanda pakwiyimila nemwene panongwa yane, nayumo umuntu yuyo akiza pakunyavwa, loli abantu bosi bakantoloka. U Chala atakabelengele ukunanga kwabo.