Aba Filipi 2:19 - IBAYIBOLO 2024

¹⁹ Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila.

Ulufingo Ulupya

¹⁹ Nanti u Mwene u Yesu itikizya, inkusubila ukuti inkwiza pakubatumila u Timoti lunulu, umwakuti ningakaziwa pakwivwa mumo mukwikalila.

Aba Filipi 2:19 Iomraidhean Croise

Yelemiya 17:5

U Mwene akuti, “Mughuniwa umuntu yuyo akundeka ane, nukubika ulusubilo lwache mubantu, akweghamila ku bwavwilizi ubwa bantu, sona u moyo wache ghuli kubutali nu Mwene.

Matayi 12:21

Abantu aba inko zyosi bakwiza pakusubila mumwache.”

Imbombo 16:1

U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda umwitiki, loli uwise akaba mu Giliki.

Aba Loma 15:12

Sona wepe umulaghuzi u Yesaya akuti, “Weka uwa banyenya aba Yese akwiza; akwiza pakuzilaghila inko abantu babo bate ba Yuda; po abene bakwiza pakusubila mumwache.”

Aba Loma 16:21

U Timoti, umubombi uwamwitu, akubalamuka. U Lusiyasi nu Yasoni, sona nu Sosipateli, aba Yuda abamwitu bope bakubalamuka.

1 Aba Kolinti 4:17

Pachifukwa chinichi, nkubatumila u Timoti, yuyo mwana wane umughaniwa. Umwene we musubiliwa mwa Mwene. Akwiza pakubakumbusya nizya bumi bwane mwa Kilisitu u Yesu, bubo nkumanyisya kosi na kosi muvipanga vyosi.

Aba Efeso 1:13

Namwe bulo mukaba bantu aba Chala, bo mwivwa amazyu aghanaloli, ghagho gho Mazyu Amiza aghabupoki bwinyu. Amwe mukasubila mwa Kilisitu, sona u Chala akabika ichidindo papinyu ukulanjizya ukuti mwe bantu abache na bache pakubapa u Muzimu Umuzelu, yuyo akabalayizya.

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Aba Filipi 2:18

Umwakuyana bulo, namwe mubaghiye pakuhoboka, sona musekelaye poka nane.

Aba Filipi 2:28

Ichi cho chifukwa nalondagha nkani pakumutuma kukwinyu, ukuti muhoboke bo mwamwennya, sona ichitima chane po chikwiza pakumala.

1 Aba Tesalonika 3:2

Tukamutuma u Timoti, yuyo we mukamu witu, sona mubombi uwamwitu mumbombo iya Chala iyakulumbilila Amazyu Amiza agha Kilisitu pakubapa amaka nukubakazya mulwitiko lwinyu,

1 Aba Tesalonika 3:5

Ichi cho chifukwa bo napotwa pakujimba, nkamutuma u Timoti ukuti imanye nizya lwitiko lwinyu. Pakuti nkanyilagha ukuti u Satana umuyeli yula angabayela, sona nukuti imbombo yitu mumwinyu yingaba yapabulo!

2 Aba Tesalonika 1:3

Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Yakobo 4:15

Munenaye bulo mutinji, “Nanti u Mwene umwenecho angitikizya, tukwiza pakwikala nubumi, sona tukwiza pakubomba ichi pamo chila.”

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.