Aba Filipi 2:16 - IBAYIBOLO 2024

¹⁶ bo mukubapa amazyu agha bumi. Nanti mukubomba bunubu, nkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo.

Ulufingo Ulupya

¹⁶ bo mukubapa amazyu agha bumi. Nanti mukubomba bunubu, inkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo.

Aba Filipi 2:16 Iomraidhean Croise

Masalimo 40:9

Wee Mwene, nkulumbilila nizya bugholosu bwako palukomano ulukulu nkani. Wee Mwene sona intasonitepo nalumo umulomo wane ngati mumo uzimanyiye.

Masalimo 71:17

Wee Chala, wamanyisya ukwanda bo bwana bwane, po mupaka nilelo bulo nkulumbilila nizya mbombo zyako izyakuswighisya.

Yesaya 49:4

Loli nkati, “Imbombite imbombo iya pabulo, natagha pabulo amaka ghane, loli vyosi na vibika munyobe izya Mwene, umuvwalo wane ghuli mwa Chala wane.”

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Luka 12:8

“Naloli nkubabuzya ukuti umuntu wesi yuyo akunyitika pamaso pabantu, u Mwana uwa Muntu wepe akwiza pakumwitika pamaso pa bantumi aba Chala.

Yohani 6:63

Umuzimu uwa Chala weyuyo akupa ubumi, amaka agha buntu ghate ni mbombo nayimoyimo. Amazyu ghagho nanena namwe ghakubapa u Muzimu uwa Chala nubumi.

Yohani 6:68

U Simoni Pitala akamwamula akati, “Wee Mwene, nkimba tungabuka kwa wenu? Awe uli nagho amazyu amapela bumi agha bwila na bwila.

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

1 Aba Kolinti 9:26

Ichi cho chifukwa intakuchimbila ngati ne muntu yuyo akuchimbila mwalwemwalwe bulo, ane intakuyana nu wankonya yuyo akubwindabwinda bulo.

2 Aba Kolinti 1:14

ukuyana namumo mukutwivwisizya panandi bulo. Nkusubila ukuti napapo mutumenye panandi bulo, umwakuti mungituvya pachifukwa icha sweswe ukuyana namumo tukwiza pakwituvikizya pachifukwa icha mwemwe Pisiku ilya Mwene u Yesu.

Aba Galatiya 2:2

Nkabuka kulakula pachifukwa ichakuti u Chala akanvumbulila ukuti imbuke. Nkabalingannya abalongozi Amazyu Amiza ghagho nkalumbilila pakasi pabantu babo bate ba Yuda. Loli nkabomba ichi kubusyefu pakuti nkanyilagha ukuti lumo imbombo yiyo nkubomba, sona yiyo nabomba kale yingaba yabulo.

Aba Galatiya 4:11

Nkunyila ukuti lumo ukwiyula kwane kosi pakasi papinyu nkiyula pabulo.

Aba Filipi 1:10

umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

1 Aba Tesalonika 2:19

Pakuti nayumo umuntu, loli mwemwe mwebene, babo bakwiza pakuba lusubilo lwitu nu buhobosu bwitu, sona ni mpumpu yitu iyakulanjizya ubupoti bwitu pamaso pa Mwene witu u Yesu, bo akwiza sona.

1 Aba Tesalonika 3:5

Ichi cho chifukwa bo napotwa pakujimba, nkamutuma u Timoti ukuti imanye nizya lwitiko lwinyu. Pakuti nkanyilagha ukuti u Satana umuyeli yula angabayela, sona nukuti imbombo yitu mumwinyu yingaba yapabulo!

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

1 Pitala 1:23

Pakuti amwe mwapapiwa sona. Ukupapiwa ukwabubili kunuku kutakendela mu mbeyu yiyo yingananganika, babo bapapi aba muchisu ichapasi, awe. Loli mukapapiwa sona ukwendela mu mazyu amumi agha Chala, sona agha bwila na bwila.

1 Yohani 1:1

Tukubasimbila amwe nizya yuyo akwitiziwa ukuti we Mazyu amapela bumi, yuyo akabako ukwandila ko kubwandilo. Tukamwivwa sona tukamwennya na maso ghitu. Naloli twamwennya nukumupalamasya ni nyobe zyitu.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.