Aba Filipi 2:15 - IBAYIBOLO 2024

¹⁵ umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

Ulufingo Ulupya

¹⁵ umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana na mumo intondwa zikulamila kumwanya,

Aba Filipi 2:15 Iomraidhean Croise

Masalimo 122:5

Kulakula abikiteko ivitengo ivya balongi, ivitengo ivya bumwene ivya bamunyumba iya Devedi.

Ukufuma 34:35

Abene bakachennya icheni chache ukuti chikulama, loli u Mozesi akavwinka sona icheni chache nu mwenda ghula mupaka pakabalilo akanji akakubukila sona pakunenezannya nu Mwene.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Ivyili 8:8

Amazyu ghosi agha mumulomu wane magholosu, sona intakunenapo lumo amazyu aghabumyasi pamo amanyonganu.

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Matayi 10:16

“Ivwa kuno! Nkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.

Matayi 17:17

U Yesu akamula akati, “Mwe bantu abankulilo iyi mwe basita lwitiko! Nkimba nikale namwe mupaka liyi? Fwandi nkibe namwe mupaka liyi? Zagha nawe umulumendo kuno!”

Matayi 5:45

ukuti mubanje mwe bana aba Tata winyu uwakumwanya. Pakuti akulamizya izuba pabantu abiza na babibi bulo nukutuma ivula pa bagholosu na babo bate bagholosu.

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 6:35

Awe, mubaghane abalwani binyu nukubabombela inyiza. Mubakopezyanje sona mutakalindililaye ukuti mupokelepo kamo. Po umuvwalo winyu ghukwiza pakuba mukulu nkani, sona mukwiza pakuba mwe bana aba Chala Uwakumwanya Nkani. Pachifukwa ichakuti akubapelela ichisa abantu babo batakumupala, sona na bantu ababibi.

Yohani 5:35

U Yohani akaba ngati yo nyale, yiyo yikaka nukulama, sona mukalondagha ukwilagha ulukozyo lwache pakabalilo akanandi bulo.

Imbombo 2:40

U Pitala akababuzya na mazyu aghanji aghakubasoka akati, “Mwipoke mwebene ku lufundo lulo lukwiza pabantu ababibi abankulilo iyi!”

Imbombo 20:30

Akabalilo kakwiza kako abantu bamo aba mu kabukatila kinyu bakwiza pakunena ubumyasi nukubadeba abamanyili ukuti babakonke.

Aba Loma 16:19

Abantu bosi bivuye nizya kwivwila kwinyu, po ane nahoboka nkani pachifukwa icha mwemwe. Loli nkulonda ukuti mubanje bamahala pachintu chicho chiza, sona nukuti mutakinong'onelayeko ni mbibi.

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Aba Efeso 5:27

U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo.

Ukukumbusya Amalamulo 32:5

Loli abene, bate basubiliwa, pakuti lo luko ulubibi nu luzimbuli.

Aba Filipi 1:10

umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

Aba Filipi 3:6

Nkaba nu lweke nkani umwakuti nkachivwima ichipanga. Pakunena nizya muno umuntu akuneniwa pakuba mugholosu pakukonka Indaghilo, ane intakaba ni chilema nachimochimo.

1 Aba Tesalonika 5:23

U Chala umwenecho uwa mutende abapelaye pakuba bazelu muvintu vyosi. Umuzimu winyu ghosi nu moyo winyu ghosi, sona nu mubili winyu ghosi, vitakabanje ni chilema nachimochimo pakwiza ukwa Mwene witu u Yesu Kilisitu.

1 Timoti 3:10

Bayeliwanje tasi, sona nanti bakwela, po bangaba babombi.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

1 Timoti 5:20

Ubachemelaye pabuzelu abantu bosi babo bakubomba imbibi, ukuti abanji bosi banganyila.

1 Timoti 5:7

Ubape abantu indaghilo zinizi umwakuti batakabe ninongwa nayimoyimo.

Titi 1:6

Kumbuka ukuti usongo uwa chipanga atakabanje ni chilema nachimochimo. Abanje nu muchi weka, yuyo abana bache bitiki, sona atakabanje ni mbili iya bunyamana pamo iyakusita ukwivwila.

Titi 2:10

pamo ukubibila. Loli akabalilo kosi balanjizyanje ukuti biza, sona basubiliwa, umwakuti muvintu vyosi vivyo bakubomba abantu badebiwanje ni chimanyisyo icha Chala Umupoki witu.

Titi 2:15

Ivi vyo vintu vivyo ubaghiye umanyisyanje. Lanjizya ubulaghili bwako bosi, bo ukubakazya nukubachemela abantu babo bakukuteghelezya. Atakabepo nayumo umuntu uwakukusula.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

2 Pitala 3:14

Polelo bamanyani bane abaghaniwa, bo mukulindilila isiku lila, muyezye nkani ukuti mubanje bantu abazelu na basita chilema nachimochimo pamaso pa Chala, sona mubanje mumutende nawe.

Ubuvumbuli 2:5

Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, nkwiza pakwiza kukwako nukwefyapo ichakubikapo inyale yako pabuzilo bwache.

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.