Aba Filipi 2:12 - IBAYIBOLO 2024

¹² Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema.

Ulufingo Ulupya

¹² Polelo baghaniwa bane, munyivwilaye nilelo bulo ukuyana na mumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nu bogha, sona nukutetema.

Aba Filipi 2:12 Iomraidhean Croise

Ezila 10:3

Losi ulu zagha tufinge ulufingo pamaso pa Chala witu ukuti tubasosye abakolo aba poka na bana babo, ukuyana na zizyo utubuzizye sona na bantu babo bakughanyila amalamulo agha Chala witu. Leka zibombiwanje ukuyana ni Ndaghilo.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 2:11

Mumubombelaye u Mwene nubogha sona muhobokaye nukutetema.

Ivyili 10:16

Umuvwalo uwa mugholosu bo bumi bwache, loli amalipilo agha muntu umubibi lo lufundo.

Ivyili 13:4

Umukata akunyonywanga bulo ivintu, napapo atakuvyagha, loli vivyo umuntu uwalweke akuvinyonywa, akuvyagha vyosi.

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Matayi 11:12

Ukwanda pakabalilo aka Yohani Uwalozyo mupaka ilelo, Ubumwene ubwa Kumwanya bwayimba nkani, sona abantu abamaka bakuyezya pakubunangannya.

Matayi 11:29

Nyamula ikoli lyane, manyila kukwane pakuti ane ne mololo nu wakwiyisya. Po mukwiza pakubwagha ubutuzyo.

Imbombo 16:29

Bo umulindilili uwa jele akitizya ukuti bamupe inyale, akachimbilila mukasi nukuwila munyayo izya Pabuli nu Sila bo akutetema.

Imbombo 9:6

Loli nyamuka nukubuka mukaya akakulu nkani mumo bakwiza pakukubuzya zizyo ubaghiye pakubomba.”

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

1 Aba Kolinti 2:3

Po nkiza kukwinyu nu budedebazu, nubogha, sona nukutetema nkani.

1 Aba Kolinti 4:14

Ane intakusimba zinizi ukuti imbakozye amwe isoni awe, loli ukuti imbamanyisye pakuti mwe bana abane na bane abaghaniwa.

2 Aba Kolinti 7:15

Nkaninkani ulughano lwache lukulu nkani papinyu, bo akukumbuka ukwivwila kwinyu mwebosi, sona nukuti mukamupokela nubogha, sona nukutetema.

Aba Efeso 6:5

Amwe mwe bazya, mubivwilaye abamwene binyu aba muchisu ichapasi nubogha, sona nu muchizi uwenecho. Mubombaye zinizi nu moyo uwanaloli ngati po mukumubombela u Kilisitu.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Aba Filipi 1:29

Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo.

Aba Filipi 1:5

Imbaghiye mbapalizye pachifukwa ichakuti mwanyavwanga pakulumbilila Amazyu Amiza ukwandila ko kubwandilo mupaka ilelo.

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Aba Filipi 2:19

Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila.

Aba Filipi 4:1

Polelo bakamu bane, imbaghanite, sona nkubasamba nkani. Amwe mwe buhobosu bwane, sona ni mpumpu yane yiyo nkwituvikizyamo. Po baghaniwa bane, mwimaye nkani mwa Mwene.

Aba Filipi 4:15

Amwe mwe ba Filipi mwenemwe muzimenye akiza nkani ukuti bo nafuma ku Makedoniya mumasiku aghakwanda aghakulumbilila Amazyu Amiza, chitakabako ichipanga nachimochimo chicho chikanyavwa pafundo iya ndalama, loli mwenemwe bulo.

1 Aba Tesalonika 1:3

Pakuti bwila bulo tukukumbuka pamaso pa Chala nu Tata witu, nizya lwitiko lwinyu, mumo mukiyulila ukulanjizya ulughano lwinyu, sona namumo ulusubilo lwinyu lwimiye nkani mwa Mwene witu u Yesu Kilisitu.

2 Timoti 2:10

Polelo nkujimba nkani muvintu vyosi pachifukwa icha bantu babo u Chala akabasala, umwakuti bope bapokiwe ukwendela mwa Kilisitu u Yesu, nukupokela ubuchindamu ubwa bwila na bwila.

Aba Hebeli 12:1

Pakuti tuzyunguliliwe ni chilundilo ichikulu nkani icha bakaboni, zagha tuvyepuke ivintu vivyo vingatuzighila, sona ni mbibi zizyo zitumamatiye nkani. Zagha tuchimbile nu lweke pakupotana pakuchimbila kuko kuli pantazi papitu.

Aba Hebeli 4:1

Pakuti u Chala alayizya ukuti tukwiza pakwinjilamo mubutuzyo, po zagha tuchebe ukuti nayumo umuntu atakapotwe pakwinjilamo mubutuzyo bubo u Chala akatulayizya.

Aba Hebeli 4:11

Po zagha tuyezye nkani pakwinjila mubutuzyo bula umwakuti atakabepo nayumo umuntu mumwitu uwakupotwa ukuyana namumo abene bakapotezezwa pachifukwa ichakusita ukwivwila.

Aba Hebeli 5:9

Bo aba wakufikapo, akaba mbwibwi iya bupoki ubwa bwila na bwila ubwa bantu bosi babo bakumwivwila.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.