Aba Filipi 2:11 - IBAYIBOLO 2024

¹¹ Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

Ulufingo Ulupya

¹¹ Umuntu wesi itike nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

Aba Filipi 2:11 Iomraidhean Croise

Masalimo 110:1

U Mwene akamubuzya u mwene wane akati, “Ikala apa kunyobe yane indilo, mupaka imbabike abalwani bako kusi kunyayo zyako.”

Masalimo 18:49

Wee Mwene, Po nkwiza pakukupala, pakasi pa inko zyosi. Nkwiza pakwimba inyimbo izyakulichindika itabwa lyako.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Matayi 10:32

“Umuntu wesi yuyo akunyitika pamaso pabantu, nane bulo nkwiza pakumwitika pamaso pa Tata wane uwakumwanya.

Luka 2:11

Pakuti ubusiku ubu mukaya aka Devedi mupapiwemo Umupoki winyu, yuyo we Kilisitu u Mwene!

Yohani 12:42

Napapo abalaghili abinji aba Chiyuda bakamusubila u Yesu, loli batakitika pabuzelu pachifukwa ichakuti bakanyilagha aba Falisayi ukuti bangabepuzya munyumba iyakwiputilamo.

Yohani 13:13

Amwe mukunyitizya ane ukuti, ‘Mumanyisi,’ sona ‘Mwene,’ chizapo pakubomba bunubu pakuti momumo imbeleye.

Yohani 13:14

Po nanti ane, u Mwene nu Mumanyisi winyu nabasukuzya inyayo zyinyu, namwe bulo mubaghiye pakusukuzannya inyayo zyinyu.

Yohani 14:13

Chosi chicho mukulabila mwitabwa lyane cho chicho nkwiza pakuchibomba, umwakuti Utata achindikiwanje ukwendela mu Mwana.

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

Yohani 17:1

Bo u Yesu amala pakunena zinizi, akennya kumwanya nukuti, “Wee Tata, akabalilo kakwana. Umuchindikaye u Mwana wako, umwakuti u Mwana akuchindikaye awe.

Yohani 20:28

U Tomasi akamwamula akati, “Mwene wane, sona nu Chala wane.”

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Yohani 9:22

Abapapi bache bakanena izi pachifukwa ichakuti bakabanyilagha abalaghili aba Chiyuda, babo bakivwana kale ukuti umuntu wesi yuyo akasubila ukuti u Yesu we Kilisitu, akwiza pakwepusiwa munyumba iyakwiputilamo.

Imbombo 10:36

Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi.

Imbombo 2:36

“Ilelo aba Izilayeli bosi naloli bamanyaghe ukuti u Yesu uyu, yuyo mukumukomela pachipinjika, weyuyo u Chala amubika pakuba we Mwene, sona we Kilisitu!”

Aba Loma 14:11

Pakuti Amasimbo ghakuti, “Naloliloli Ane ne Mwene umumi nkulapa nkuti, ivimpevu vyosi vikwiza pakunfughamilila, sona umuntu wesi akwiza pakumfughamilila sona akwiza pakwitika nu mulomo wache ukuti ane ne Chala.”

Aba Loma 14:9

Pakuti u Kilisitu akafwa nukuzyuka kubufwe umwakuti abanje we Mwene uwa bantu aba bumi, sona nuwa bantu abafwe bope.

Aba Loma 15:9

umwakuti na bantu babo bate ba Yuda bope bamuchindikaye u Chala pachifukwa icha chisa chache ukuyana na Masimbo aghakuti, “Pachifukwa chinichi nkwiza pakukuchindika pakasi pabantu babo bate ba Yuda. Nkwiza pakwimba inyimbo izyakulipala itabwa lyako.”

1 Aba Kolinti 12:3

Polelo nkulonda ukuti muzimanye ukuti umuntu yuyo akulongoziwa nu Muzimu uwa Chala atanganena ukuti, “U Yesu aghuniwanje.” Sona umuntu yuyo atakulongoziwa nu Muzimu Umuzelu atanganena ukuti, “U Yesu we Mwene.”

1 Aba Kolinti 15:47

Umuntu wakwanda yula, akamatiwa ni tope ilya muchisu ichapasi. Loli umuntu uwabubili yula akafuma kumwanya.

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.

1 Yohani 4:15

Nanti umuntu akwitika ukuti u Yesu Mwana uwa Chala, kokuti akwikala mukumamatilana poka nu Chala, sona wepe nu Chala akwikala mukumamatilana poka nawe.

1 Yohani 4:2

Umu momumo mungamumanyila nanti umuntu ali nu Muzimu uwa Chala: Umuntu wesi yuyo akwitika ukuti u Yesu Kilisitu akiza mumubili uwa buntu, umuntu yunuyu ali nu Muzimu wakwa Chala.

2 Yohani 1:7

Abazimbuli abinji babo batakwitika ukuti u Yesu Kilisitu akiza mu mubili uwa buntu, bendabenda muchisu chosi ichapasi. Abantu banaba bazimbuli, sona balwani aba Kilisitu.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.