Aba Filipi 2:1 - IBAYIBOLO 2024

¹ Umwakusita ukwilamwa, ubumi bwinyu mwa Kilisitu bukubapa amaka, sona ulughano lwache lukubakazya nukwefya ubogha. Mukuba bamoyo ghoka mu Muzimu Umuzelu, sona mukupelelana ichisa nukupazikizannya.

Ulufingo Ulupya

¹ Umwakusita ukwilamwa, ubumi bwinyu mwa Kilisitu bukubapa amaka, sona ulughano lwache lukubakazya nukwefya ubogha. Mukuba bamoyo ghoka mu Muzimu Umuzelu, sona mukupelelana ichisa nu kupazikizannya.

Aba Filipi 2:1 Iomraidhean Croise

Masalimo 133:1

Mwee, chintu chakuhobosya nkani, nanti abakamu bakwikala poka mumutende!

Yesaya 16:11

Umoyo wane ghukumulilila u Mowabu ngati chinanda, umuzimu wane ghukumulilila u Kili Helesi.

Luka 2:25

Pakabalilo kalakala kukabako umuntu yumo yuyo akaba we Simiyoni, yuyo akikalagha mu Yelusalemu. Akaba mugholosu, sona umuntu uwakumunyila u Chala. Akalindililagha akabalilo kako u Chala akwiza pakubapoka aba Izilayeli, sona u Muzimu Umuzelu akaba nawe.

Yohani 14:18

“Ntakwiza pakubaleka mwebene ngati mwe bapina, nkwiza sona kukwinyu.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Yohani 17:13

Po losi ulu nkwiza kukwako. Loli nkunena zinizi bo inchili indi muchisu ichapasi, umwakuti babanje nu buhobosu bwane ubwakufikapo mumoyo ghabo.

Imbombo 2:46

Isiku ni siku bakakomanagha pakabukatila mu Nyumba iya Chala, nukumenyannya ichibama poka munyumba zyabo, bakalyanga mubuhobosu na moyo aghakwiyisya,

Imbombo 4:32

Akabukatila kosi aka bitiki kakaba ni nyinong'ono nu moyo ghoka. Nayumo umuntu uwa bantu banaba akanena ukuti ivintu vivyo akaba navyo, vyache mwene, loli bosi bakagabana vyosi vivyo bakaba navyo.

Aba Loma 5:5

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

1 Aba Kolinti 12:13

Pakuti aswe twebosi, manyi mu Yuda, pamo umuntu yuyo ate mu Yuda, manyi muzya, manyi musatuke, tukoziwa mu Muzimu Umuzelu weka ukuti tubanje mubili ghoka, sona twebosi tupeghiwe u Muzimu weka ukuti tung'wele.

1 Aba Kolinti 15:31

Mwee bakamu bane, isiku ni siku nkwenda nu bufwe. Nkunena zinizi pachifukwa icha kwituvya kuko indi nako mumwinyu mwa Kilisitu u Yesu u Mwene witu.

1 Aba Kolinti 3:16

Nkimba mutazimenye ukuti amwe mwe Nyumba iya Chala, sona nukuti u Muzimu uwa Chala akwikala mumwinyu?

2 Aba Kolinti 13:14

Ichisa icha Mwene u Yesu Kilisitu nu lughano ulwa Chala, sona nu bupoka ubwa Muzimu Umuzelu vibanje namwe mwebosi.

2 Aba Kolinti 2:14

Loli u Chala apaliwanje, yuyo mwa Kilisitu akabalilo kosi akutulongolela palusekelo ulwa bupoti, sona ukwendela mumwitu pakufumusya nizya Kilisitu posi na posi ngati gho munusi umwiza.

Aba Galatiya 4:6

Ukulanjizya ukuti amwe mwe bana bache, u Chala abatumila u Muzimu uwa Mwana wache mumoyo ghitu, u Muzimu yuyo akwitizya ukuti, “Wee Tata, wee Tata wane!”

Aba Galatiya 5:22

Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa,

Aba Efeso 4:4

Ghuliko umubili ghoka, sona aliko u Muzimu Umuzelu weka, ukuyana namumo lubeleye ulusubilo loka, lulo u Chala abitizizye nalo.

Aba Filipi 1:8

U Chala we kaboni wane ukuti nkunena ubwanaloli, bo nkunena ukuti nkubasamba nkani, sona we kaboni wane ukuti imbaghanite nkani ukuyana namumo u Kilisitu u Yesu abaghaniye.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

Aba Kolosi 3:12

Pakuti mukasaliwa nu Chala ukuti mubanje mwe bantu abache na bache, sona nukuti umwene abaghanite. Mubanje mwe balupazikizyo, na bachisa, na bakwiyisya, na bololo, sona na bafisalyoyo.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Yohani 3:24

Umuntu yuyo akukonka amalamulo agha Chala, akwikala mukumamatilana poka nu Chala, sona wepe u Chala akwikala mukumamatilana poka nawe. Pachifukwa icha Muzimu Umuzelu yuyo u chala akatupa, tuzimenye ukuti u Chala akwikala mukumamatilana poka naswe.

1 Yohani 4:12

Nayumo umuntu yuyo amwenizyepo u Chala. Loli nanti tukughanana, kokuti u Chala akwikala mumwitu, polelo ulughano lwache lukuba lwakufikapo mumwitu.

1 Yohani 4:16

Polelo aswe tuzimanye nukusubila ukuti naloli u Chala atughanite nkani. U Chala we lughano. Umuntu wesi yuyo ali nu lughano, kokuti akwikala mukumamatilana poka nu Chala, sona wepe nu Chala akwikala mukumamatilana poka nawe.