Aba Filipi 1:26 - IBAYIBOLO 2024

²⁶ umwakuti bo indinamwe sona, mukwiza pakuba ni vifukwa ivyakukwana ivyakwituvikizya nane mubumi bwinyu ubwakumamatilana poka nu Kilisitu u Yesu.

Ulufingo Ulupya

²⁶ umwakuti bo indi namwe sona, mukwiza pakuba ni vifukwa ivyakukwana ivyakwituvikizya nane mubumi bwinyu ubwakumamatilana poka nu Kilisitu u Yesu.

Aba Filipi 1:26 Iomraidhean Croise

Inyimbo izya Solomoni 5:1

Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.

Yohani 16:22

Momumo zibeleye namwe, ilelo muli ni chitima, loli nkwiza pakubennya sona. Amoyo ghinyu ghakwiza pakwizula nu buhobosu, ubuhobosu bubo nayumo umuntu atangabafyula.

Yohani 16:24

Ukufika pakabalilo aka, mutalabitepo nachimo mwitabwa lyane. Laba, po mukwiza pakupokela, umwakuti ubuhobosu bwinyu bubanje bwakufikapo.

2 Aba Kolinti 1:14

ukuyana namumo mukutwivwisizya panandi bulo. Nkusubila ukuti napapo mutumenye panandi bulo, umwakuti mungituvya pachifukwa icha sweswe ukuyana namumo tukwiza pakwituvikizya pachifukwa icha mwemwe Pisiku ilya Mwene u Yesu.

2 Aba Kolinti 5:12

Tutakuyezya sona pakwipala twebene kukwinyu, loli tukuyezya pakubapa pachifukwa ichakuti mwituvikizyanje naswe, umwakuti mungabamula abantu babo bakwituvya pachifukwa icha vintu vivyo vikuboneka na maso nukuchila ivintu vivyo vili mumoyo.

2 Aba Kolinti 7:14

Pakuti nkituvikizyanga kukwache nizya amwe, sona nukuti mutankozya isoni. Zyosi zizyo tukanena namwe zyanaloli, po ukwituvya kwitu nizya amwe kwa Titi kwalanjizya pakuba kwanaloli.

2 Aba Kolinti 7:4

Imbasubiye nkani, nkwituvikizya nkani mumwinyu! Muntamyo zyitu zyosi inchili nizuye nu bujivu nkani, sona ihobokite nkani.

2 Aba Kolinti 7:6

Loli u Chala, yuyo akusangalusya abantu babo bawa amaka, akatusangalusya nukwiza ukwa Titi.

Aba Galatiya 6:4

Umuntu wesi ipime mwene ni mbombo zyache. Po angituvya mwene ni mbombo zyache, ukusita ukwifwanikizya mwene nu muntu yumo.

Aba Filipi 3:1

Pabumalilo, bakamu bane, nkunena ukuti, “Muhobokaye mwa Mwene.” Chitakunditisya napo panandi pakupyanizya sona amazyu ghagho nasimba kale, pakuti chintu chimo chicho chingabavwa ukuti mutakilamwe.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 4:10

Nahoboka nkani mubumi bwane ubwakumamatilana poka nu Mwene ukuti pabumalilo mwandapo sona pakulanjizya ukuti mukunkumbuka. Intakung'anamula ukuti mukaleka pakunkumbuka, awe, loli mutakabanga bulo na kabalilo akakulanjizizya.

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”