Aba Filipi 1:23 - IBAYIBOLO 2024

²³ Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani.

Ulufingo Ulupya

²³ Inkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani.

Aba Filipi 1:23 Iomraidhean Croise

2 Samuweli 24:14

U Devedi akamubuzya u Gadi akati, “Awe, ane nkutamiwa nkani mumoyo wane. Zagha tuwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 49:15

Loli u Chala akwiza pakubutabula ubumi bwane mwipumpa, pakuti akwiza pakumpokela.

Luka 12:50

Loli imbaghiye pakoziwa mumayimba aminji, sona umoyo wane ghutakutuzyapo nalumolumo mupaka izi zibombiwe!

Luka 23:43

U Yesu akamubuzya akati, “Naloli nkukubuzya ukuti ilelo ukwiza pakuba nane ku Buzilo ubwa buhobosu kumwanya.”

Luka 8:38

Umuntu yuyo imizimu imibibi yikepamo mumwache akamulaba u Yesu ukuti amwitikizye pakubuka poka nawe. Loli u Yesu akamunyosya nukumubuzya ukuti,

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 13:1

Kukasyalako bulo isiku lyoka ukuti Ulusekelo ulwa Pasa lubombiwe. U Yesu akazimanyila zila ukuti akabalilo kache kakwana akakuti achileke ichisu ichapasi nukubuka kwa Wise. Abaghanite nkani abantu bache aba muchisu ichapasi, sona akabaghana mupaka pisiku ilyabumalilo ilya bumi bwache pachisu ichapasi.

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Imbombo 7:59

Bo bakwendelela pakumusumba na mabwe, u Sitefani akanda pakwiputa ukuti, “Wee Mwene Yesu, pokela umuzimu wane!”

2 Aba Kolinti 5:8

Aswe twizuye nu bujivu nkani, sona tungighana nkani ukuti ngali twepamo mumubili witu ughu nukwikala nu Mwene kukaya kache.

2 Aba Kolinti 6:12

Tute sweswe twighalila amoyo ghitu kukwinyu, awe, loli amwe mwemwe mwighalila amoyo ghinyu kukwitu.

Aba Filipi 1:24

Loli kulubazu ulunji, chintu chakulondiwa nkani ukuti imbanje nubumi pachifukwa icha mwemwe.

1 Aba Tesalonika 2:1

Mwee bakamu bane, muzimenye ukuti ubulendo bwitu kukwinyu butakaba bwapabulo.

1 Aba Tesalonika 2:13

Chilipo sona ichifukwa ichinji chicho tukwendelela pakumupalizya u Chala. Bo mwapokela amazyu ghache ghagho mukivwa kukwitu, mutakaghitika ngati gho mazyu agha bantu, loli mukaghitika ukuyana namumo ghabeleye bulo, amazyu agha Chala. Amazyu ghanagha ghali pambombo mumwinyu amwe mwe mukusubila.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.

2 Timoti 4:6

Loli ane, akabalilo kane kakwanite kale akakuti impunguliwe ukuti chibanje chakwiyipa ichakung'wela; akabalilo kane akakubukila kakwana.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”