Aba Filipi 1:22 - IBAYIBOLO 2024

²² Loli nanti ukwendelela kwane pakuba nubumi muchisu ichapasi chikumpa ulusako ulwakuti imbombe imbombo iyakwavwa abantu abanji, po intakuchimanya chicho ningasala.

Ulufingo Ulupya

²² Loli nanti ukwendelela kwane pakuba nubumi muchisu ichapasi chikumpa ulusako ulwakuti imbombe imbombo iyakwavwa abantu abanji, po ntakuchimanya chicho ningasala.

Aba Filipi 1:22 Iomraidhean Croise

Ubwandilo 21:26

U Abimeleki akati, “Ntamumenye umuntu yuyo azibombite zinizi. Awe utakambuzyapo, sona nivwa bulo ilelo.”

Ubwandilo 39:8

Loli u Yosefu akakana nukumubuzya umuchi uwa songo wache ukuti, “Teghelezya, nkimba utazimenye ukuti usongo wane ansubiye pakundekela ukatundu wache? Atakupalamaziwapo nachimochimo chicho chili muno pachifukwa ichakuti indi pano.

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Ukufuma 32:1

Bo abantu bennya ukuti u Mozesi akabila nkani pakwika pighamba bakamuzyungulila u Aloni nukumubuzya ukuti, “Tutazimenye zizyo zyamuwila u Mozesi yunuyu, umuntu yuyo akatwefya mu Ijiputi. Po utupangile uchala uyunji uwakuti atulongozye.”

Imbombo 3:17

“Polelo bakamu bane, inzimenye ukuti zizyo amwe na balongozi binyu mukabomba kwa Yesu mukazibomba umwakusita kumanya.

Aba Loma 1:13

Mwee bakamu bane, nkulonda ukuti muzimanye ukuti utubalilo utwinji ninong'onagha ukuti imbendele, loli mupaka nilelo bulo chilipo chimo chicho chikunkanizya. Chicho nkulonda chakuti impindule bamo mumwinyu pakuba bitiki ukuyana namumo nkababombela abantu babo bate ba Yuda.

Aba Loma 11:2

U Chala atabakanite abantu bache, babo bakabasalila zila ukwandila ko kubwandilo. Nkimba muzimenye zizyo Amasimbo ghakunena pabuzilo bubo bukunena nizya Eliya, papo akamulambilizya u Chala ukuti abafunde aba Izilayeli? Akati,

2 Aba Kolinti 10:3

Napapo tukwikala muchisu ichapasi, loli tutakulwa ubwite na maka agha buntu.

Aba Galatiya 2:20

Nkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo nkwikala muchisu ichapasi, nkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene.

Aba Filipi 1:23

Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani.

Aba Filipi 1:24

Loli kulubazu ulunji, chintu chakulondiwa nkani ukuti imbanje nubumi pachifukwa icha mwemwe.

Aba Kolosi 2:1

Nkulonda ukuti muzimanye namumo nkubiyulila nkani, na bantu babo bali mu Labodikiya, sona na bosi abantu abanji babo batamenye pacheni.

1 Pitala 4:2

Polelo ukwanda akabalilo aka, ubumi bwinyu ubwa muchisu ichapasi bubaghiye bulongoziwanje nu bwighane ubwa Chala, mubuzilo ubwa kulongoziwa ni vinyonywa ivya buntu.