Aba Filipi 1:12 - IBAYIBOLO 2024

¹² Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza.

Ulufingo Ulupya

¹² Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza.

Aba Filipi 1:12 Iomraidhean Croise

Esitele 9:1

Zizyo u mwene akalamula ukuti zibombiwe zikabaghila pakubombiwa pisiku ilya 13 mumwezi uwa 12, umwezi uwa Adala. Po pisiku lilalila abalwani aba ba Yuda bakasubila ukuti bakwiza pakubapota aba Yuda, loli ivintu vikanduka. Aba Yuda bo babo bakaba na maka nkani ukubachila abalwani babo nukubanangannya.

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Luka 21:13

Aka kakwiza pakuba kabalilo kinyu akakubikila ubwakaboni nizya ane.

Imbombo 8:4

Abitiki babo bakanyampana posi na posi, bakalumbililagha Amazyu Amiza kosi kuko bakabukagha.

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

Aba Filipi 1:5

Imbaghiye mbapalizye pachifukwa ichakuti mwanyavwanga pakulumbilila Amazyu Amiza ukwandila ko kubwandilo mupaka ilelo.

Aba Filipi 1:7

Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke.

Aba Filipi 2:22

Loli amwe muyimenye inkalo iya Timoti ukuti yikulanjizya ukuti nyiza. Muzimenye sona ukuti abomba poka nane ngati we mwana nu wise pambombo iyakufumusya Amazyu Amiza.

Aba Filipi 4:15

Amwe mwe ba Filipi mwenemwe muzimenye akiza nkani ukuti bo nafuma ku Makedoniya mumasiku aghakwanda aghakulumbilila Amazyu Amiza, chitakabako ichipanga nachimochimo chicho chikanyavwa pafundo iya ndalama, loli mwenemwe bulo.

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

1 Timoti 2:8

Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.