Aba Filipi 1:11 - IBAYIBOLO 2024

¹¹ Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Ulufingo Ulupya

¹¹ Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Filipi 1:11 Iomraidhean Croise

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Yesaya 5:2

Akaghudibula nukufumyamo amabwe, akabyalamo amampesya amiza nkani. Akaghuzengela ichitembe nukukumba ichiliba ichakukanyilamo amampesya. Akalindilila pakuyaba amampesya amiza, loli amampesya ghala ghakababagha.

Yesaya 60:21

Po abantu bako bosi bakwiza pakuba bagholosu, sona ichisu chikwiza pakuba chako bwila na bwila. Sona bakwiza pakuba kakwi kane akabisi, kako nabyala ni mbombo izya nyobe zyane, umwakuti nchindikiwanje.

Yesaya 61:11

Pakuti ngati mumo itope likumezezya imbeyu, sona ngati mumo umughunda, ghukukuzizya imbeyu, zizyo babyalitemo, momumo u Mwene Uwamaka Ghosi, wepe akwiza pakubombela nu bugholosu, namapalo pamaso pa inko zyosi.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Yohani 15:16

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Yohani 15:2

Akudumula papane akasamba kosi kako katakwela ivikomwa, loli akupalantila akasamba kosi kako kakwela ivikomwa, umwakuti kele ivikomwa ivyinji.

Yohani 15:8

Ubuchindamu ubwa Tata wane bukulanjiziwa bo mukupa ivikomwa ivyinji. Po bunubu amwe mukulanjizya ukuti mwe bamanyili bane abanaloli.

Aba Loma 15:28

Po, bo namalizya imbombo yane iyi, sona bo nabika ivyabupi vyosi vivyo bakabasangulila, nkwiza pakubendela, bo nkubuka ku Sipeni.

Aba Loma 6:22

Loli pakuti ilelo mwasatuliwa kumbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

2 Aba Kolinti 9:10

U Chala yuyo akumupa umuntu yuyo akupesa imbeyu, sona ni chibama ichakuti alyanje, akwiza pakubapa imbeyu zizyo mukulonda nukuzikuzya imbeyu zila. Akwiza pakubalizya ivikomwa ivya chisa chinyu.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:14

U Muzimu Umuzelu yunuyu we chikole icha vintu vivyo u Chala akabalayizya abantu bache, sona nukuti naloli u Chala akwiza pakubapoka abantu, babo akabasatula ukuti babanje bache na bache. U Chala apaliwanje nukupokela ubuchindamu.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

Aba Filipi 4:17

Kute kokuti nkubika umoyo wane pavyabupi vyinyu vivyo mukampa, awe. Loli chicho nkulonda chakuti mupokele ulusayo pachifukwa icha chisa chinyu.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

2 Aba Tesalonika 1:12

umwakuti itabwa ilya Mwene witu u Yesu lichindikiwanje mumwinyu, sona namwe muchindikiwanje mumwache ukuyana ni chisa icha Chala witu nu Mwene u Yesu Kilisitu.

Titi 3:14

Abantu bitu bamanyilaye ukwiyula pakubomba imbombo inyiza, umwakuti bangabavwa babo bakusobelwa, sona nukuti batakabanje nubumi ubusita ivikomwa.

Aba Hebeli 12:11

Pakabalilo kako tukufundiwa chikuba chintu chakubaba, sona chitakuhobosya. Loli pisinda pache ukufundiwa kulakula kukwela ivikomwa ivya mutende, sona nivya bugholosu ku bantu babo bakapokela amafundwe ghalaghala.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.