Aba Filipi 1:10 - IBAYIBOLO 2024

¹⁰ umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

Ulufingo Ulupya

¹⁰ umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

Aba Filipi 1:10 Iomraidhean Croise

Ubwandilo 20:5

U Abulahamu umwenecho weyuyo akati, ‘Yunuyu we muyemba wane,’ sona wepe u Sala akati, ‘Yunuyu we muyemba wane.’ Ane nkabomba chinichi nu mabyebye wane umwiza, po intakanangapo napo panandi.”

Yobu 12:11

Nkimba ikutu litakughayezya amazyu ngati mumo ululimi lukughonjela ichakulya?

Yobu 34:3

Pakuti amakutu ghakughivwisya amazyu ngati mumo ululimi lukuyezezya ichakulya.

Mika 3:2

Amwe mwe mububengite ubwiza nukubughana ububibi? Amwe mwe mukughakasa amabili agha bantu bane, sona mukwefyamo inyama mumafupa ghabo.

Matayi 16:23

U Yesu akaghalabukila kwa Pitala nukumuchemela ukuti, “Epapo, we Satana! Awe uyanite bulo ni chizinka muzila yane. Inyinong'ono zyako zitakufuma kwa Chala, loli nyinong'ono bulo izya bantu.”

Matayi 26:33

U Pitala akamula akati, “Ntakwiza pakukuleka nalumo, napapo abanji bosi bangachibomba!”

Yohani 1:47

Bo u Yesu amwennya u Nataniyele akwiza akati, “Uyu we muntu uwa Izilayeli naloli. Mumwache butalimo nabumobumo ubumyasi!”

Yohani 3:20

Umuntu wesi yuyo akubomba ivintu ivibibi alubengite ulukozyo, po atangiza pabuzelu pakuti atakulonda ukuti imbombo zizyo akubomba zibonekele pabuzelu.

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Aba Loma 12:2

Mutakeghelelaye inkalo izya bantu aba muchisu ichapasi, loli mumwitikizye u Chala ukuti andule ubumi bwinyu pakubapa inyinong'ono impya. Po mungiza mumanye ubwighane ubwa Chala, mukwiza pakumanya chicho chiza, ni chakumuhobosya nkani, sona ni chakufikapo.

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Aba Loma 16:17

Mwee bakamu bane, nkubalaba ukuti muchebaye na bantu babo bakubagabannya abantu, sona na babo bakubika ivipunulo muzila zyinyu pakumanyisya ivimanyisyo vivyo vilekanite na vivyo mukamanyisiwa. Epako kukwabo!

Aba Loma 2:18

nanti uzimenye zizyo u Chala akulonda ukuti ubombe, sona umenye pakusala chicho chiza pachifukwa ichakuti wamanyila Indaghilo;

Aba Loma 7:16

Sona nanti nkubomba chicho intakulonda pakubomba, kokuti nkwitika ukuti Indaghilo nyiza.

Aba Loma 7:22

Umoyo wane ghukuhoboka nkani ni ndaghilo izya Chala,

Aba Loma 8:7

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

1 Aba Kolinti 10:32

Mutakabapunuzye abantu abanji, manyi ba Yuda, manyi ba Giliki, manyi chipanga icha Chala.

1 Aba Kolinti 8:13

Polelo nanti ivyakulya vikumupelela umukamu wane ukwipunula, ntakwiza pakulya nalumolumo sona inyama, umwakuti intakamupunuzye umukamu wane.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

2 Aba Kolinti 2:17

Aswe tutayanite na bantu abinji bamo, babo bakubwaghilapo ubukabi pa mazyu agha Chala, loli pakuti u Chala atutuma aswe, cho chifukwa tukunena nu moyo uwanaloli pantazi papache ngati twe babombi aba Kilisitu.

2 Aba Kolinti 6:3

Aswe tutakubika ichipunulo muzila iya muntu nayumo, awe, umwakuti mumbombo yitu mutakaghiwemo ichibibi nachimochimo.

2 Aba Kolinti 8:8

Pakunena zinizi intakubalamula, awe. Loli nkulonda pakubuyela ubwanaloli ubwa lughano lwinyu pakufwanikizya nu bwanaloli ubwa lughano ulwa bantu abanji.

Aba Galatiya 5:11

Mwee bakamu bane, loli nanti ane inchili nkulumbilila nizya kusilimula, po choni chicho inchili nkuvwimiwa? Nanti nkalumbililagha nizya kusilimula, kokuti ubulumbilili bwane nizya chipinjika icha Kilisitu ngali chite chipunulo.

Aba Efeso 4:15

Loli pakunena ubwanaloli mulughano, tubaghiye pakukulila mwa Kilisitu muvintu vyosi, yuyo mutu.

Aba Efeso 5:10

Muyezyanje pakubomba ivintu vivyo vikumuhobosya u Mwene.

Aba Efeso 5:27

U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo.

Aba Efeso 6:24

Ichisa icha Chala chibanje na bantu bosi babo bamughanite u Mwene witu u Yesu Kilisitu nu lughano lulo lutakufwapo nalumolumo.

Aba Filipi 1:16

Abantu banaba bakubomba bunubu pachifukwa icha lughano pakuti bazimenye ukuti u Chala ampiye imbombo iyakughimila Amazyu Amiza.

Aba Filipi 1:6

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Aba Filipi 2:16

bo mukubapa amazyu agha bumi. Nanti mukubomba bunubu, nkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

1 Aba Tesalonika 5:21

loli muviyelaye ivintu vyosi. Mukakatile ichintu chicho chiza.

1 Aba Tesalonika 5:23

U Chala umwenecho uwa mutende abapelaye pakuba bazelu muvintu vyosi. Umuzimu winyu ghosi nu moyo winyu ghosi, sona nu mubili winyu ghosi, vitakabanje ni chilema nachimochimo pakwiza ukwa Mwene witu u Yesu Kilisitu.

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.