Aba Filipi 1:1 - IBAYIBOLO 2024

¹ Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Ulufingo Ulupya

¹ Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkani-nkani abalongozi aba chipanga, sona na bavwilizi babo.

Aba Filipi 1:1 Iomraidhean Croise

Maliko 13:34

Chiyanite bulo nu muntu yuyo akuchula nukuvileka vyosi munyobe izya bambombo bache. Akamupa umuntu wesi imbombo iyakuti abombe nukumulayizya umulindilili uwa nyumba ukuti abanje maso.

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Imbombo 1:20

Pakuti zisimbiwe mwibuku ilya Masalimo ukuti, ‘Yileke inyumba yache yibanje chisami; nayumo umuntu atakikalayemo.’ Zisimbiwe sona ukuti, ‘Umuntu yumo abupyanaye ubulongozi bwache bulabula.’

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Imbombo 9:13

U Ananiya akamwamula akati, “Mwene, abantu abinji bambuzya nizya muntu yunuyu, sona nizya vintu ivyinji ivyakoghofya vivyo ababombela abantu bako abazelu mu Yelusalemu.

Aba Loma 1:1

Ane ne Pabuli, umubombi uwa Kilisitu u Yesu, nene nitiziwa nu Chala pakuba mutumiwa, sona nukupaghuliwa pakulumbilila Amazyu Amiza.

Aba Loma 1:7

Nkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

1 Aba Kolinti 16:10

Nanti u Timoti akwiza, mwenelezye ukuti mwamupokela akiza pakuti akumubombela u Mwene ngati mumo imbeleye.

2 Aba Kolinti 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala, sona indi poka nu mukamu witu u Timoti. Tukuchisimbila ichipanga icha Chala icha mu Kolinti, sona na bantu bosi abazelu aba Chala aba muchigaba chosi icha Akaya:

Aba Galatiya 1:10

Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.

Aba Galatiya 3:26

Mwebosi mwe bana aba Chala pakwendela mulwitiko mwa Kilisitu u Yesu.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Aba Efeso 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala. Nkubasimbila amwe mwe bantu abazelu aba Chala babo bali mu Efeso, sona babo basubiliwa mwa Kilisitu u Yesu.

Aba Efeso 1:15

Pachifukwa ichi, bo nivwa nizya lwitiko lwinyu mwa Mwene u Yesu, sona nu lughano lwinyu pabantu bosi abazelu aba Chala,

Aba Efeso 6:24

Ichisa icha Chala chibanje na bantu bosi babo bamughanite u Mwene witu u Yesu Kilisitu nu lughano lulo lutakufwapo nalumolumo.

Aba Filipi 2:19

Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila.

Aba Filipi 2:5

Mubanje nu moyo ghugho u Kilisitu u Yesu akaba nagho.

Aba Filipi 3:12

Intakunena ukuti napota kale, pamo ne wakufikapo kale, awe. Loli indi nu lweke ukuti indeme umuvwalo, ghugho u Kilisitu u Yesu akandemela ukuti imbanje wache.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

1 Aba Tesalonika 1:1

Ane ne Pabuli, poka nu Silivana, sona nu Timoti. Tukuchisimbila ichipanga icha mu Tesalonika, chicho icha Chala u Tata, sona nu Mwene u Yesu Kilisitu. Ichisa nu mutende vibanje namwe.

1 Aba Tesalonika 2:2

Muzimenye namumo tukayimbila nukusamuliwa mu Filipi. Loli pakuti u Chala akatwavwa, tukajimba nkani pakulumbilila Amazyu ghache Amiza, napapo kukabako ukususyiwa ukukulu nkani.

2 Aba Tesalonika 1:1

Ane ne Pabuli, poka nu Silivana, sona nu Timoti. Tukuchisimbila ichipanga icha mu Tesalonika, chicho cha Chala u Tata, sona nu Mwene u Yesu Kilisitu.

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.

1 Timoti 1:2

Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

1 Timoti 3:8

Umwakuyana bulo, bope abavwilizi muchipanga babanje ni nkalo inyiza, sona abasubiliwa. Batakang'welaye nkani uvinyo, pamo pakuba baghana ndalama.

Titi 1:1

Ane ne Pabuli, umubombi uwa Chala, sona nu mutumiwa uwa Yesu Kilisitu. Ane nkasaliwa ukuti imbavwe abantu babo bakasaliwa nu Chala ukuti basubile nukubalongolela ukuti babumanye ubwanaloli, sona nukuti babanje nubumi ubwakumwiputa,

Titi 1:7

Pakuti usongo uwa chipanga we wakwenelezya imbombo iya Chala, abanje muntu umusita chilema nachimochimo. Atakabanje muntu uwakwitutumula nu wakukalala mwalwemwalwe pamo uching'wela. Atakabanje muntu uwalombwa, pamo umughana ndalama.

Filimoni 1:1

Ane ne Pabuli, ne indi mujele pachifukwa icha Kilisitu u Yesu, sona na mubuzilo ubwa Timoti umukamu witu. Nkumusimbila u Filimoni, yuyo mumanyani witu, sona nu mubombi uwamwitu.

Aba Hebeli 13:23

Nkulonda mumanye ukuti umukamu witu u Timoti afuma mujele. Nanti angiza lubilolubilo, nkwiza nawe poka pakubennya.

Yakobo 1:1

Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.

1 Pitala 2:25

Amwe mukaba ngati zyo ng'ozi zizyo zisobelite, loli ilelo mwanyokela kwa Mudimi yuyo Musungilili uwa bumi bwinyu.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 22:9

Loli akambuzya akati, “Utakabombaye bunubu! Ane ne wambombo bulo ngati wewe, sona ngati bo bakamu bako babo balaghuzi, sona na bantu bosi babo bakughivwila amazyu ghagho ghali mwibuku linili. Mumwiputaye u Chala!”