Aba Efeso 6:3 - IBAYIBOLO 2024

³ “Umwakuti ivintu vikwendelaye akiza, sona nukuti amasiku agha bumi bwako muchisu ichapasi ghabanje minji.”

Ulufingo Ulupya

³ “Umwakuti ivintu vyosi vikwendelaye akiza, sona nukuti amasiku agha bumi bwako muchisu ichapasi ghabanje minji.”

Aba Efeso 6:3 Iomraidhean Croise

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yelemiya 35:7

Sona mutakazengaye inyumba, mutakabyalaye imbeyu pamo amampesya, mutakabanje ni vintu ngati vinivi, loli mwize mwikalaye muvisakasa, kokuti amasiku ghinyu ghabanje minji muchisu chicho mukuponamo bulo.’

Yelemiya 42:6

Manyi vikutuhobosya pamo vikutukalalizya, aswe tukwiza pakumwivwila u Mwene u Chala witu yuyo tukukutumako, umwakuti vitwendele akiza, pakuti tukwiza pakumwivwila u Mwene u Chala witu.”

Aba Efeso 6:2

“Chindika ughuso nu nyoko.” Ili lyo lilamulo ilyakwanda lilyo lili ni layizyo ilyakuti,

Aba Efeso 6:4

Namwe bulo mwe bawise, mutakabakalalizyanje abana binyu, loli mubakuzye akiza pakubamanyisya ivimanyisyo ni ndaghilo izya Mwene.

Ukukumbusya Amalamulo 12:25

Mutakalyanje ibanda umwakuti amwe poka na baluko lwinyu ivintu vibendelaye akiza, pakuti bunubu mukwiza pakubombagha chicho chigholosu pamaso pa Mwene.

Ukukumbusya Amalamulo 12:28

Mwenelezye ukuti mukukonka amalamulo ghosi ghagho nkubapa, umwakuti ivintu vyosi vibendelaye akiza amwe poka na baluko lwinyu bwila na bwila, pakuti bunubu mukwiza pakubombagha chicho chigholosu pamaso pa Mwene u Chala winyu.

Ukukumbusya Amalamulo 22:7

Ungatusenda utwana tula, loli umuleke unyina abukaye, umwakuti ivintu vyosi vibendelaye akiza, sona nukuti mwikalaye nubumi ubutali.

Ukukumbusya Amalamulo 4:40

Muzikonkaye indaghilo na malamulo ghache ghosi ghagho nkubapa ilelo, umwakuti ivintu vyosi vibendelaye akiza, amwe na bana binyu, sona nukuti mwendelele pakwikala muchisu chicho u Mwene u Chala winyu akubapa ukuti chibanje chinyu bwila na bwila.

Ukukumbusya Amalamulo 5:16

“Umuchindikaye ughuso nu nyoko, ukuyana namumo u Mwene u Chala wako akakulamulila, umwakuti ubanje nubumi ubutali muchisu chicho u Mwene u Chala wako akukupa.

Ukukumbusya Amalamulo 5:33

Mukonkaye bulo zyosi zizyo u Mwene u Chala winyu abalamuliye, umwakuti ivintu vyosi vibendelaye akiza, sona nukuti mwendelele pakuba nubumi ubutali muchisu chicho mukwiza pakwikalamo.

Ukukumbusya Amalamulo 6:18

Bombagha bulo chicho chigholosu, sona chiza pamaso pa Mwene umwakuti ivintu vibendelaye akiza. Po mukwiza pakuchifyula ichisu icha mboto, chicho u Mwene akabalayizya abanyenya binyu pakulapa ichilapo.

Ukukumbusya Amalamulo 6:3

Mwee ba Izilayeli, ivwa kuno, sona mwenelezye ukuti mukuvikonka, umwakuti vyosi vibendelelaye akiza, sona nukuti munyamane nkani muchisu icha mboto ukuyana namumo u Mwene u Chala uwa banyenya binyu akabalayizizya.

Luti 3:1

Isiku limo u Nabomi akamulalusya umulasagha wache akati, “Wee mwana wane, nkimba ntangakulondela umwanavuli, umwakuti ubanje ni nyumba iyako ni yako?