Aba Efeso 5:3 - IBAYIBOLO 2024

³ Loli mumwinyu mutakabemo izya bwamalaya, pamo ubunyazu, pamo ubupafu, pakuti abantu abazelu aba Chala batangabomba ivintu vinivi.

Ulufingo Ulupya

³ Loli mumwinyu mutakabemo izya bwamalaya, pamo ubunyazu, pamo ubupavu, pakuti abantu abazelu aba Chala batangabomba ivintu vinivi.

Aba Efeso 5:3 Iomraidhean Croise

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 119:36

Mpanga ichinyonywa icha malamulo ghako, mubuzilo ubwa chinyonywa icha bukabi ubwa bumyasi.

Ukufuma 18:21

Loli usalepo abanavuli abamahala pakasi pabantu. Abanavuli banaba babanje bakumunyila u Chala, abasubiliwa, sona babo baghabengite amabeko, nukubimika pakuba balongozi ba tubukatila utwa bantu utwa 1,000 nutwa 100 nutwa 50 sona nutwa 10.

Ukufuma 20:17

“Utakayinyonywanje inyumba iya mupalamani wako. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

Ukufuma 23:13

“Teghelezya zyosi zizyo Ane ne Mwene nanena. Utakabiputaye abachala abanji, sona utakaghatambulaye amatabwa ghabo napo panandi.

Ivyili 28:16

Umulaghili yuyo akubayivya abantu babo bate na mahala, loli aghabengite amabeko akubanga nubumi ubutali.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Aba Levi 15:18

Nanti umwanavuli aghona nu mukolo, bosi babili boghe, loli bakuba banyazu mupaka pachamabwila.

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.

Matayi 15:19

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti aghoghe, alowe nukubomba ubwamalaya; ubwiba, ubumyasi, sona ni yebo.

Luka 12:15

Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Imbombo 15:20

Loli tubasimbile ukalata uwakuti batakalyanje ivyakulya vivyo vinyazu pachifukwa ichakuti vyabikiwa ku vifwani ukuti chibanje chakwiyipa; ukuti batakabombaye ubwamalaya, ukuti batakalyanje ichinyamana chicho chanyongiwa bulo, sona batakalyanje ibanda.

Imbombo 20:33

Intakanyonywapo indalama izya muntu pamo amenda agha muntu awe.

Aba Loma 1:29

Amoyo ghagho ghizuye ni vintu ivibibi ivyakulekanalekana, ni vinyazu nu bupafu nukubombelana ivibibi; bizuye na kabini nu bughoghi nu lombwa nu bumyasi nukwinong'onelana ivibibi. Bakuyebana

Aba Loma 16:2

Mumupokele akiza mwitabwa ilya Mwene, ukuyana namumo abantu abazelu aba Chala babaghiye pakubombela, sona mumwavwe ni vintu vivyo akusobelwa navyo pakuti umwene akabavwa abantu abinji poka nane bulo.

Aba Loma 6:13

Mutakiyipe ichigaba chimo icha mubili winyu kumbibi ukuti chibombe imbombo imbibi. Loli mwiyipe mwebene kwa Chala, ngati bo bantu babo bazyuka bulo kubufwe, sona bali nubumi. Mwiyipe amabili ghinyu kwa Chala ukuti ghabombe imbombo ingolosu.

1 Aba Kolinti 10:8

Tutakabombaye ubwamalaya bubo abantu bamo bakabombagha, umwakuti pisiku lyoka abantu 23,000 bakafwa.

1 Aba Kolinti 5:1

Ilelo imbili yivwika ukuti mumwinyu muli ubwamalaya ubupalapala nkani, ubwamalaya ubwakuti butakubombiwa nalumolumo na bantu abakuzi. Nivwa ukuti umuntu yumo akughonana nu muchi uwa wise!

1 Aba Kolinti 6:13

Umuntu uyunji akwiza pakunena ukuti, “Ichakulya chikapeliwa ukuti chinjilaye mulwanda, lope ulwanda lukapeliwa ukuti lupokelaye ichakulya.” Eee, momumo, loli u Chala akwiza pakuvinangannya vyosi vibili. Umubili ghute wakubombela ubwamalaya awe, loli wakumubombela u Mwene. Po u Mwene wemwenecho uwa mubili.

1 Aba Kolinti 6:18

Mubuleghuke ubwamalaya. Imbibi izinji zyosi zizyo umuntu akubomba zitakupalamasya umubili wache, loli nanti umuntu akubomba ubwamalaya akughunangila umubili wache.

2 Aba Kolinti 12:21

Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.

Aba Efeso 5:12

Pakuti chakukozya nkani isoni pakunena ivintu vivyo bakubomba kubusyefu.

Aba Efeso 5:5

Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

1 Aba Tesalonika 4:3

Chicho u Chala akulonda cho ichi: Mubanje bantu abapaghuliwa nukubwepuka ubwamalaya.

1 Aba Tesalonika 4:7

U Chala atakatwitizya aswe ukuti tubombaye ubunyazu, loli ukuti tubanje bantu abazelu.

1 Timoti 2:10

Loli bilanjizyanje bene ni mbombo inyiza zizyo bakubomba, pakuti abakolo babo bakumwiputa u Chala babombaye bunubu.

1 Timoti 3:3

Atakabe we ching'wela, pamo umuntu uwa lombwa, loli abanje mololo. Atakabe wavyongo, sona atakazighanaye indalama.

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.

2 Timoti 3:2

Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Titi 1:7

Pakuti usongo uwa chipanga we wakwenelezya imbombo iya Chala, abanje muntu umusita chilema nachimochimo. Atakabanje muntu uwakwitutumula nu wakukalala mwalwemwalwe pamo uching'wela. Atakabanje muntu uwalombwa, pamo umughana ndalama.

Titi 2:3

Umwakuyana bulo, bope na bakolo abachasongo, ubamanyisye ukuti babanje ni nkalo iyakuyana na bakolo babo bali nubumi ubuzelu. Batakabanje bantu abiyebo, pamo abazya aba vinyo, loli bamanyisyanje chicho chiza,

Aba Hebeli 12:16

Mubanje maso ukuti atakabepo umalaya, sona nu musita ukumwiputa u Chala ngati we Esabu, yuyo akaghulizya ubwakatote bwache ni chakulya icha kabalilo koka.

Yoshwa 7:21

Pavintu vivyo tukavifyula nkennya inkazo inyiza nkani iya ku Babiloni poka ni salabazya izya siliva 200, sona nu golide umung'wamu amakilogalamu 500. Nkavinyonywa nkani ivintu vinivi, umwakuti nkasendapo vimo nukuvikumbila pasi muchisakasa chane, sona pasi papo pali usiliva.”

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

Ubuvumbuli 2:14

“Loli utuntu utunandi bulo tuto nkubasusya nato twakuti, mukasi mumwinyu muli abantu babo bakukonka ichimanyisyo icha Balamu, yuyo akamumanyisya u Balaki namumo angabadebela aba Izilayeli ukuti balye ichakulya chicho chibikiwe ku vifwani ukuti chibanje chakwiyipa, sona nukubomba ubwamalaya.

Ubuvumbuli 2:21

Nkamupa umukolo uyu akabalilo akakuti apindukile, loli atakalondagha pakuleka ubwamalaya bwache.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

Ubuvumbuli 9:21

Abantu bala batakaleka pakughogha kwabo pamo amayele ghabo, pamo ubwamalaya bwabo, pamo ubwiba bwabo.

1 Samuweli 8:3

Loli abana banaba batakasendelako inkalo inyiza iya wise, umwakuti bakabombelagha bulo zyo ndalama. Bakanda pakupokela amabeko nukulonga inongwa umwakunyongannya ubwanaloli.