Aba Efeso 5:2 - IBAYIBOLO 2024

² Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

Ulufingo Ulupya

² Mubanje nu lughano ukuyana na mumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

Aba Efeso 5:2 Iomraidhean Croise

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Ukufuma 29:18

Umoche udubi wesi yula pachighemo ukuti chibanje chakwiyipa ichakocha kwa Mwene. Umunusi uwa chakwiyipa chinichi ghukumuhobosya u Mwene.

Ukufuma 29:25

Pisinda pache wefyemo munyobe zyabo nukuvyocha pachighemo pamwanya pa chakwiyipa ichakocha chila. Umunusi uwa chakwiyipa chinichi ghukumuhobosya u Mwene.

Aba Levi 1:13

Asuke na mizi amala ni vinama. Po umuputi abike vyosi pachighemo nukuvyocha ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 1:17

Aleme ivipapande vyache nukuvizepula pakasi, loli atakayizepule yosi. Po umuputi ayoche pankwi izya moto pachighemo. Chinichi cho chakwiyipa ichakocha, umunusi uwa chakwiyipa chinichi ghukumuhobosya u Mwene.

Aba Levi 1:9

Aghasuke na mizi amala ni vinama sona umuputi oche pamoto inyama yosi pachighemo ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 3:16

Umuputi oche vyosi vinivi pachighemo pakuba chakulya, ichakwiyipa ichakocha chicho umunusi wache ghukumuhobosya u Mwene. Amafuta ghosi gha Mwene.

Amosi 5:21

U Mwene akuti, “Indubengite, sona indusulite ulusekelo lwinyu ulwa lwiputo, zyope inkomano zyinyu zitakunhobosya napo panandi.

Ukubelengiwa 7:21

ni nkambaku inyana nu dubi weka, sona na kadubi koka aka mwaka ghoka ukuti chibanje chakwiyipa ichakocha.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Yohani 13:34

Po losi ulu nkubapa ilamulo ilipya ilyakuti mughananaye mwebene. Mughananaye, ukuyana namumo nkabaghanila.

Yohani 6:51

Ane ne chibama ichipela ubumi chicho chikika ukufuma kumwanya. Nanti umuntu wesi akulya ichibama chinichi, akwiza pakubangako bwila na bwila. Ichibama chicho nkwiza pakumupa gho mubili wane, chicho nkupa ukuti ichisu ichapasi chibanje nubumi.”

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

Aba Loma 4:25

Pachifukwa icha mbibi zyitu akabikiwa ukuti aghoghiwe, po u Chala akamuzyusya kubufwe, umwakuti tuneniwe pakuba bantu bagholosu pamaso papache.

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

1 Aba Kolinti 16:14

Vyosi vivyo mukubomba, mubombaye nu lughano.

1 Aba Kolinti 5:7

Amwe mubaghiye pakwefyamo ichilungo ichikali icha mbibi, kokuti mubanje chinyenya ichipya, ukuyana namumo mubeleye. Pakuti u Kilisitu, u Mwana uwa ng'ozi witu uwa Lusekelo ulwa Pasa aboliwe kale ukuti chibanje chakwiyipa.

2 Aba Kolinti 2:14

Loli u Chala apaliwanje, yuyo mwa Kilisitu akabalilo kosi akutulongolela palusekelo ulwa bupoti, sona ukwendela mumwitu pakufumusya nizya Kilisitu posi na posi ngati gho munusi umwiza.

2 Aba Kolinti 2:15

Pakuti aswe tuli ngati gho munusi umwiza uwa Kilisitu uwakumuhobosya u Chala pakasi pabantu babo bakupokiwa, sona na babo bakusobela.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Aba Galatiya 1:4

U Kilisitu akiyipa mwene pachifukwa icha mbibi zyitu ukuti atupoke ku nkulilo iya mbibi iyi, ukuyana nu bwighane ubwa Chala witu, sona yuyo we Tata.

Aba Galatiya 2:20

Nkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo nkwikala muchisu ichapasi, nkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Aba Efeso 3:17

umwakuti u Kilisitu ikale mumoyo ghinyu ukwendela mu lwitiko, nkwiputa sona ukuti mwisimike na magululuzi ghinyu nukuti mwikalane mulughano.

Aba Efeso 3:19

Naloli nkwiputa ukuti mumanye ulughano lula ulwa Kilisitu, lulo lwapamwanya nkani ukuchila amahala agha bantu, ukuti mwizuziwe umwakufikapo nubumi ubwa Chala.

Aba Efeso 4:15

Loli pakunena ubwanaloli mulughano, tubaghiye pakukulila mwa Kilisitu muvintu vyosi, yuyo mutu.

Aba Efeso 4:2

Akabalilo kosi mubanje mwe bakwiyisya, sona bololo. Mubanje mwe bafisalyoyo nukwivwana mulughano.

Aba Efeso 5:15

Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala.

Aba Efeso 5:25

Namwe mwe balume mubaghanaye abachi binyu ukuyana namumo u Kilisitu akachighanila ichipanga, nukwiyipa ubumi bwache pachifukwa icha chipanga chilachila.

Ukukumbusya Amalamulo 27:6

Mumuzengele u Mwene u Chala winyu ichighemo chicho chitabiziwepo nalumolumo. Mubikayepo ivyakwiyipa ivyakocha kwa Mwene, u Chala winyu.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

Aba Kolosi 3:14

Ukonjelezyapo pavyosi vinivi, mubanje nu lughano, pakuti ulughano lo lulo lukumamatizya poka vyosi umwakufikapo.

1 Aba Tesalonika 4:9

Pakunena nizya lughano pakasi pa amwe mwe bitiki, chite chakulondiwa ukuti tubasimbile, pakuti u Chala umwenecho akabamanyisya mumo mubaghiye pakughananilanagha.

1 Timoti 2:6

Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

1 Timoti 4:12

Patakabepo umuntu uwakukusula pachifukwa ichakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 8:3

Umuputi wesi Usongo akusaliwa ukuti abike ivyabupi nivyakwiyipa kwa Chala. Polelo chikulondiwa ukuti Umuputi witu Usongo wepe abanje nacho chimo ichakwiyipa.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

Aba Hebeli 9:23

Po chikaba chakulondiwa ukuti ichisakasa ni vintu vyache vyosi, vivyo vikaba chifwanikizyo bulo icha vintu ivya kumwanya viswefiwe ni vyakwiyipa vinivi. Loli ivyene ivya kumwanya ukuti viswefiwe pakalondiwanga ivyakwiyipa ivyizapo ivyakuchilapo.

Aba Hebeli 9:26

Pakuti nanti chikabanga bunubu, ngali u Kilisitu ayimba akinji bulo ukwandila pakupeliwa ukwa chisu. Awe! Loli ilelo pakabalilo akabumalilo aka aboneka lyoka bulo mpela ukuti efye imbibi pakwiyipa mwene.

1 Pitala 4:8

Pamwanya pa vyosi mughananaye mwebene nu lughano ulwakufikapo, pakuti ulughano lukuzikupikila imbibi inyinji nkani.

1 Yohani 3:16

Tulumenye ulughano ulwenecho namumo lubeleye pakuti u Kilisitu akabutagha ubumi bwache pachifukwa icha sweswe. Polelo naswe bulo tubaghiye pakwiyipa ubumi bwitu pachifukwa icha bakamu bitu.

1 Yohani 3:23

Ili lyo lilamulo lyache: Tumusubilaye u Mwana wache u Yesu Kilisitu, sona tughananaye ukuyana namumo akatulamulilila.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.