Aba Efeso 4:9 - IBAYIBOLO 2024

⁹ Amazyu ghagho ghakuti, “Akakwela kumwanya” nkimba ghakung'anamula choni? Ghakung'anamula ukuti akanda tasi pakwika kusi ukwenecho ukwa chisu ichapasi.

Ulufingo Ulupya

⁹ Amazyu ghagho ghakuti, “Akakwela kumwanya” nkimba ghakung'anamula choni? Ghakung'anamula ukuti akanda tasi pakwika kusi ukwenecho kwa chisu ichapasi.

Aba Efeso 4:9 Iomraidhean Croise

Ubwandilo 11:5

Po u Mwene akika kumwanya pakwennya akaya akakulu nkani, sona ni chitembe ichitali chicho abantu bala bakazengagha.

Masalimo 139:15

Bo amafupa ghane ghamatiwa mubusyefu ghatakafisiwa ku kwako, bo nkukula pasi pachisu,

Masalimo 63:9

Loli bosi babo bakubatika pakubunangannya ubumi bwane, bakwiza pakubuka kuchisu ichibizu nkani.

Masalimo 8:5

Ukamupela pakuba munandi nkani ukuchila u Chala, po ukamuvwika impumpu iya buchindamu nu muchizi.

Ukufuma 19:20

U Mwene akikila pighamba ilya Sinayi nukumwitizya u Mozesi ukuti akwele pamwanya pighamba. Po u Mozesi akakwela,

Ivyili 30:4

Nkimba wewenu yuyo akweliteko kumwanya nukwikako sona, sona yuyo ayivumbatiyepo impepo munyobe zyache? Nkimba wewenu yuyo aghanyembeteleyepo amizi mumwenda wache? Fwandi wewenu yuyo akabika impaka pachisu ichapasi, sona itabwa lyache wewenu sona itabwa ilya mwana wache wewenu? Mbuzya nanti uzimenye!

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Ezekiyeli 31:14

Polelo ghatalipo amakwi aghanji ghagho matali napapo ghangamela pamizi, sona litalipo ikwi lilyo lingakula nukufika kumwanya, ghatalipo ghagho ghali mulubazu ulwa mizi ghangaba matali bunubu ukufika kumwanya. Pakuti amakwi ghosi ghakufwa ngati mumo abantu bosi bakufwila, nukwinjila muchisu icha bantu abafwe.

Matayi 12:40

U Yona akikala amasiku matatu mulwanda ulwa swi inkulu, umwakuyana bulo, wepe u Mwana uwa Muntu akwiza pakwikala mukasi mwitope amasiku matatu umusanya nu busiku.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Yohani 3:13

Nayumo umuntu yuyo afikiteko kumwanya, loli mwene u Mwana uwa Muntu, yuyo akika kumwanya.

Yohani 6:33

Pakuti ichibama chicho u Chala akupa weyuyo akwika kumwanya nukuchipa ichisu ichapasi ubumi.”

Yohani 6:38

pakuti intikite kumwanya pakubomba ubwighane ubwane nu bwane, loli nizite pakubomba ubwighane ubwa yuyo akantuma.

Yohani 6:41

Pa ichi aba Yuda bakanda pakwilumbusya pachifukwa ichakuti u Yesu akati, “Ane ne chibama chicho chikika kumwanya.”

Yohani 6:51

Ane ne chibama ichipela ubumi chicho chikika ukufuma kumwanya. Nanti umuntu wesi akulya ichibama chinichi, akwiza pakubangako bwila na bwila. Ichibama chicho nkwiza pakumupa gho mubili wane, chicho nkupa ukuti ichisu ichapasi chibanje nubumi.”

Yohani 6:58

Chinichi cho chibama chicho chikika kumwanya. Chitayanite ni chibama chicho abanyenya binyu bakalya nukufwa pisinda pache. Loli bosi babo bakulya ichibama ichi bakwiza pakubangako bwila na bwila.”

Yohani 6:62

Po zikwiza pakuba bulibuli bo mukwennya u Mwana uwa Muntu akukwela pakubuka kuko akabanga pakwanda?

Yohani 8:14

U Yesu akabamula akati, “Napapo nkwisimikizya nemwene, ulusimikizyo lwane lwanaloli pakuti imenye kuko infumite na kuko nkubuka. Mutamenyeko kuko infumite na kuko nkubuka.

Aba Hebeli 2:7

Pakabalilo akapimpa bulo ukumupela pakuba munandi bulo pamaso pa bantumi aba kumwanya; Ukumuvwika impumpu iya buchindamu nu muchizi,

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela muchisa icha Chala, abafwile abantu bosi.