Aba Efeso 4:3 - IBAYIBOLO 2024

³ Muyezyanje nkani pakusunga ubupoka bwinyu bubo bukufuma kwa Muzimu Umuzelu ukwendela mumutende, ghugho ghukubapinyannya poka.

Ulufingo Ulupya

³ Muyezyanje nkani pakusunga ubupoka bwinyu bubo bukufuma kwa Muzimu Umuzelu ukwendela mumutende, ghugho ghukubapinyannya poka.

Aba Efeso 4:3 Iomraidhean Croise

1 Abamwene 16:21

Pakabalilo kalakala aba Izilayeli bakagabinkana mutubukatila tubili. Akabukatila koka kakamulondagha u Tibini umwana uwa Ginati ukuti abanje wemwene, sona akabukatila akanji kakamukonkagha u Omuli.

Ukufuma 28:32

Inkazo yiniyi yibanje nu bwazi ubwakwinjizyamo umutu, ghugho ghulabiwe na kamwenda akakupeteka mulubazu mwache umwakuti ghutakazepukaye.

Umulumbilili 4:12

Umuntu weka bangamupota, abantu babili bangimilana. Ulupote ulwa nkusa zitatu lutakudumuka lubilolubilo.

Maliko 3:24

Nanti ubumwene bwasambukilana bwenebwene, ubumwene bula butangendelela,

Yohani 13:34

Po losi ulu nkubapa ilamulo ilipya ilyakuti mughananaye mwebene. Mughananaye, ukuyana namumo nkabaghanila.

1 Aba Kolinti 1:10

Mwee bakamu bane, nkubalaba mwitabwa ilya Mwene witu u Yesu Kilisitu ukuti mwivwanaye pa zizyo mukunena. Patakabepo ukugabinkana pakasi papinyu. Mubanje poka munyinong'ono, sona na mufundo zyinyu.

2 Aba Kolinti 13:11

Mwee bakamu bane, ichabumalilo nkuti, musyale akiza! Gambika izila zyinyu, sona sunga zizyo nkubasoka. Mwivwanaye nukwikala mumutende. Po u Chala, umwenecho uwa lughano nu mutende akwiza pakuba namwe.

Aba Efeso 4:13

mupaka ukuti pabumalilo twebosi tukafike kubupoka mulwitiko, sona nukumumanya u Mwana uwa Chala. Po tukwiza pakukula naloli mubuzimu nukufika pabukuzi ubwa Kilisitu.

Aba Efeso 4:4

Ghuliko umubili ghoka, sona aliko u Muzimu Umuzelu weka, ukuyana namumo lubeleye ulusubilo loka, lulo u Chala abitizizye nalo.

1 Aba Tesalonika 5:13

Mubachindikaye nkani nu lughano pachifukwa icha mbombo yiyo bakubomba. Mwikalaye mumutende mwebosi.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.