Aba Efeso 4:1 - IBAYIBOLO 2024

¹ Ane indi mujele pachifukwa icha mbombo iya Mwene, nkubalaba ukuti mwikalaye nubumi bubo u Chala akalondagha ukuti mubanje nabo, bo akubitizya.

Ulufingo Ulupya

¹ Ane indi mujele pachifukwa icha mbombo iya Mwene, inkubalaba ukuti mwikalaye nubumi bubo u Chala akalondagha ukuti mubanje nabo, bo akubitizya.

Aba Efeso 4:1 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

Yelemiya 38:20

U Yelemiya akamwamula akati, “Batakwiza pakukubika munyobe zyabo. Awe umwivwilaye bulo u Mwene pakubomba zyosi zizyo nkukubuzya. Po vyosi vikwiza pakukwendela akiza, sona ukwiza pakubupoka ubumi bwako.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

1 Aba Kolinti 4:16

Polelo ane nkubalambilizya ukuti mweghelelaye zizyo nkubomba.

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa

2 Aba Kolinti 5:20

Aswe twe bimilili ba Kilisitu, ngati po u Chala akubalambilizya ukwendela mumwitu. Tukubalaba mwitabwa ilya Yesu Kilisitu ukuti musayane sona nu Chala.

2 Aba Kolinti 6:1

Pakuti tukubomba imbombo poka nu Chala, tukubalaba ukuti mutakachipokelaye ichisa icha Chala ngati po chintu chicho chite ni mbombo.

Aba Galatiya 4:12

Mwee bakamu bane, nkubalaba ukuti mubanje ngati nene, pakuti nane bulo nkaba ngati mwemwe. Amwe mutanangiyepo nachimochimo.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Efeso 3:1

Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda.

Aba Efeso 4:17

Po nkubabuzya zinizi, sona nkubasimikizya mwitabwa ilya Mwene ukuti mutakikalaye ngati mwe bantu abakuzi, babo inyinong'ono zyabo zyabulo.

Aba Efeso 4:4

Ghuliko umubili ghoka, sona aliko u Muzimu Umuzelu weka, ukuyana namumo lubeleye ulusubilo loka, lulo u Chala abitizizye nalo.

Aba Efeso 5:2

Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Aba Filipi 3:14

Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

2 Aba Tesalonika 1:11

Ichi cho chifukwa tukubiputila amwe akabalilo kosi ukuti u Chala witu abapele pakuba bantu bakubaghila mubumi bubo umwene akabitizizya. Na maka ghache, u Chala abavwe amwe pakubomba zizyo mukulonda pakuzibomba, sona nukuti mukwanilisye zyosi zizyo mukubomba ukwendela mu lwitiko lwinyu,

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Titi 2:10

pamo ukubibila. Loli akabalilo kosi balanjizyanje ukuti biza, sona basubiliwa, umwakuti muvintu vyosi vivyo bakubomba abantu badebiwanje ni chimanyisyo icha Chala Umupoki witu.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

2 Pitala 1:3

U Chala na maka ghache akatupa ivintu vyosi ivyakutwavwilizya ukuti tubanje nubumi ubwa nyiputo pakutumanyisya nizya yuyo. Akatwitizya ukuti tugabane nawe ubuchindamu nu bwiza bwache ubukulu.

2 Yohani 1:5

Polelo nkukulaba awe we mukolo umuchindikiwa ukuti, “Tughananaye.” Pakunena bunubu kute kokuti tukukusimbila ilamulo ilipya, awe, loli ilamulo lilalila lilyo twikala nalyo ukwandila ko kubwandilo.