Aba Efeso 3:9 - IBAYIBOLO 2024

⁹ sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Ulufingo Ulupya

⁹ sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Aba Efeso 3:9 Iomraidhean Croise

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Yesaya 44:24

U Mwene, yuyo akabamata mulwanda, nukubatabula akuti, “Ane ne Mwene, yuyo apelite ivintu vyosi, yuyo mwene akachikuzula ichisu ichakumwanya, yuyo akachizungulula ichisu ichapasi,

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Matayi 13:35

Akabomba zinizi pakukwanilisya zizyo umulaghuzi akalaghula ukuti, “Nkwiza pakunenela muvyili, bo nkunena nabo. Nkwiza pakubabuzya ivintu vivyo batavimenyepo nalumolumo ukwandila pakabalilo kako ichisu ichapasi chikapeliwa.”

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Yohani 10:30

Utata nane tuli weka.”

Yohani 5:17

U Yesu akabamula akati, “U Tata akubomba imbombo akabalilo kosi, po nane bulo imbaghiye pakubomba imbombo.”

Yohani 5:19

Po u Yesu akabamula akati, “Naloli nkubabuzya ukuti u Mwana atangabomba nachimo pamwene. Loli akubomba zyene zizyo ennya Uwise akubomba. Pakuti zizyo Uwise akubomba zyo zizyo u Mwana wepe akubomba.

Imbombo 15:18

Po u Mwene akunena bunubu, yuyo akavumbula ivintu vinivi kale.’

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

1 Aba Kolinti 2:7

Loli amahala ghagho tukughanena gho mahala agha Chala, ghagho abantu batangaghennya. U Chala akaghasala kale, bo achili nukupela ichisu ichapasi ukuti ghatupe ubuchindamu.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Aba Efeso 3:2

Naloli mwivuye ukuti u Chala muchisa chache ampiye imbombo ukuti imbombaye pakasi papinyu.

Aba Efeso 6:19

Sona nane munyiputilaye ukuti u Chala abike amazyu mumulomo wane bo nkufumusya, umwakuti imbamanyisye abantu nu bujivu nkani nizya kubusyefu izya Mazyu Amiza.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:26

Amazyu ghanagha ghafisiwe akabalilo akatali, sona na ku nkulilo zyosi, loli ilelo ghavumbuliwa ku bantu bache.

Aba Kolosi 3:3

Pakuti kale mukafwa, sona ubumi bwinyu bufisiwe poka nu Kilisitu mwa Chala.

Aba Kolosi 4:3

Mutwiputilaye naswe bulo, umwakuti u Chala angatwighulila umulyango ukuti tulumbilile nizya kubusyefu izya Kilisitu, pakuti cho chifukwa indi mujele.

2 Aba Tesalonika 2:13

Loli aswe tubaghiye pakumupalizya u Chala akabalilo kosi pachifukwa icha mwemwe, bakamu bitu, mwemwe u Mwene abaghanite. Pakuti u Chala akabasala amwe po pabwandilo na maka agha Muzimu Umuzelu ukuti abapoke pakubapaghula pakuba bantu bache abazelu, pachifukwa icha kumusubila kwinyu mubwanaloli.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 14:6

Pisinda pache nkennya uwantumi uyunji akubuluka mumwanyamwanya nkani, bo anyamuye Amazyu Amiza agha bwila na bwila aghakuti alumbilile pakasi pabantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”