Aba Efeso 3:4 - IBAYIBOLO 2024

⁴ Bo mukubelenga zinizi, mukwiza pakuzyaghannya ukuti ane nkwivwisya nizya kubusyefu ubwa Kilisitu,

Ulufingo Ulupya

⁴ Bo mukubelenga zinizi, mukwiza pakuzyaghannya ukuti ane nkwivwisya nizya kubusyefu ubwa Kilisitu,

Aba Efeso 3:4 Iomraidhean Croise

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Luka 8:10

Po u Yesu akabamula akati, “U Chala abavumbulila vivyo vifisiwe ivya Bumwene bwache. Loli abantu babo bali kuzi bakwivwa vyosi muvyili, ukuti bangennya nukwennya, loli bate bavyennyanje, sona nukuti bangivwa nukwivwa, loli batangavyivwisya.

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

1 Aba Kolinti 13:2

Napapo ningaba nacho ichabupi icha bulaghuzi, napapo ningamanya akiza bulo vyosi izyakubusyefu, napapo ningaba nu bumanyi bosi, sona ningaba nu lwitiko losi ulwakuti ningasamya na maghamba bulo, loli nanti inte nu lughano, pope ne wabulo.

1 Aba Kolinti 4:1

Amwe mutupimaye ngati twe bambombo ba Kilisitu, sona abakapitawa abakulingannya ivintu ivyakubusyefu ivya Chala.

2 Aba Kolinti 11:6

Napapo ne mwana mukanenele, loli amahala ghalimo. Twabalanjizya akiza nkani zinizi muvintu vyosi.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Efeso 3:3

U Chala akanvumbulila izya kubusyefu ukuyana namumo nasimbila kale mubupimpa.

Aba Efeso 3:9

sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Aba Efeso 5:32

Amazyu ghanagha ghakutuvumbulila izya kubusyefu zizyo zikunena nizya Kilisitu ni chipanga.

Aba Efeso 6:19

Sona nane munyiputilaye ukuti u Chala abike amazyu mumulomo wane bo nkufumusya, umwakuti imbamanyisye abantu nu bujivu nkani nizya kubusyefu izya Mazyu Amiza.

Aba Kolosi 1:26

Amazyu ghanagha ghafisiwe akabalilo akatali, sona na ku nkulilo zyosi, loli ilelo ghavumbuliwa ku bantu bache.

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

Aba Kolosi 4:3

Mutwiputilaye naswe bulo, umwakuti u Chala angatwighulila umulyango ukuti tulumbilile nizya kubusyefu izya Kilisitu, pakuti cho chifukwa indi mujele.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

1 Timoti 3:9

Babulemelezyanje nkani ubwanaloli ubwibizu ubwa lwitiko nu mabyebye umwiza.