Aba Efeso 3:2 - IBAYIBOLO 2024

² Naloli mwivuye ukuti u Chala muchisa chache ampiye imbombo ukuti imbombaye pakasi papinyu.

Ulufingo Ulupya

² Naloli mwivuye ukuti u Chala muchisa chache ampiye imbombo ukuti imbombaye pakasi papinyu.

Aba Efeso 3:2 Iomraidhean Croise

Imbombo 13:2

Bo bakumwiputa u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo nkabitizizya.”

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 22:21

Po u Mwene akati, ‘Bukagha pakuti nkwiza pakukutuma kubutali nkani na bantu babo bate ba Yuda.’ ”

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 1:5

Ukwendela mwa Kilisitu, u Chala akatupa ulusako ulwakuti tubanje batumiwa, umwakuti tubalongozye abantu aba inko zyosi pakumusubila nukumwivwila, ukuti bunubu itabwa lyache lichindikiwanje.

Aba Loma 11:13

Losi ulu nkunena namwe bantu mwe mute mwe ba Yuda. Ane pakuba ne mutumiwa pakasi pabantu babo bate ba Yuda, nkwituvikizya pachifukwa icha butumiwa bwane bunubu.

Aba Loma 12:3

Pachifukwa icha chisa chicho u Chala ampiye ukwendela muchisa chache, nkunena namwe mwebosi ukuti, mutakipimaye mwebene pakuba bapamwanya nkani ukuchila namumo mubeleye. Loli mubanje bakwiyisya amoyo ghinyu ukuyana ni chipimilo icha lwitiko lwinyu, lulo u Chala abapiye.

1 Aba Kolinti 4:1

Amwe mutupimaye ngati twe bambombo ba Kilisitu, sona abakapitawa abakulingannya ivintu ivyakubusyefu ivya Chala.

Aba Galatiya 1:13

Amwe mwivuye nizya nkalo yane bo inchili indi mu Chiyuda. Mwivuye namumo nkachivwimila ichipanga icha Chala ukusita ichisa nukuyezya pakuchinangannya.

Aba Efeso 1:10

Ulubatiko ulu, lulo u Chala akwiza pakumalizya bo akabalilo kakwana lwakuti, u Chala akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu.

Aba Efeso 3:7

Muchisa chache u Chala akampela mubombi uwa Mazyu Amiza, po pakubomba bunubu akandanjizya amaka ghache.

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

Aba Efeso 3:9

sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Aba Efeso 4:21

Naloli mukivwa nizya yuyo, sona mukamanyisiwa nizya yuyo ukuyana nu bwanaloli bubo buli mwa Yesu.

Aba Efeso 4:7

Loli pope bulo umuntu wesi uwa aswe akapokela ichabupi ichache ni chache ukuyana namumo u Kilisitu akupela ivyabupi vyache.

Aba Kolosi 1:4

Pakuti twivuye mumo mukusubilila mwa Kilisitu u Yesu, sona namumo mukubaghanila abantu bosi abazelu aba Chala.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

1 Timoti 1:11

Ichimanyisyo ichenecho chikwaghiwa mu Mazyu Amiza, aghakunena nizya buchindamu ubwa Chala umusayiwa ghagho umwenecho akampa ukuti indumbilile.

1 Timoti 1:4

Ubabuzye ukuti baleke pakubikapo umoyo patupangwi bulo, sona ni mbatiko izya matabwa agha banyenya. Ivi vikwandizya bulo ivyongo, sona vite ni mbombo nayimoyimo pambombo iya Chala, ukwendela mu lwitiko.

1 Timoti 2:7

Ichi cho chifukwa nkasaliwa pakuba ne mulumbilili nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, intakutamanta, awe.

2 Timoti 1:11

Nkasaliwa ukuti imbanje ne mutumiwa nu mumanyisi ukuti indumbilile Amazyu Amiza ghanagha,