Aba Efeso 3:1 - IBAYIBOLO 2024

¹ Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda.

Ulufingo Ulupya

¹ Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda.

Aba Efeso 3:1 Iomraidhean Croise

Luka 21:12

Loli bo ivintu vinivi vitabombiwe, bakwiza pakubalema nukubavwima. Bakwiza pakubabika pamaso pa balaghili munyumba izyakwiputilamo, po bakwiza pakubighalila mujele. Pachifukwa icha nene bakwiza pakubasitaka pamaso pa balaghili napa bamwene.

Imbombo 21:33

Usongo uwa basilikali yula akafika palapala nukumulema u Pabuli, akalamula ukuti apinyiwe ni mpingu zibili nukulalusya ukuti, “Nkimba wewenu umuntu yunuyu, sona abomba cho choni?”

Imbombo 23:18

Umusilikali yula akabuka nawe kwa songo uwa basilikali nukumubuzya ukuti, “Umukayidi u Pabuli anyitizizye nukuntuma ukuti nize nu mulumendo uyu kukwako pakuti ali na mazyu nawe.”

Imbombo 26:29

U Pabuli akamula akati, “Napapo kabalilo kapimpa pamo katali, nkwiputa kwa Chala ukuti awe na bosi babo bakunteghelezya ilelo mubanje ngati nene, loli ukwefyako zyene impingu.”

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

2 Aba Kolinti 1:6

Nanti tukuyimba, tukuyimba pachifukwa ichakuti tukulonda ukuti namwe bulo musangalusiwe nukupokiwa. Nanti tukusangalusiwa, pachifukwa ichakuti tukulonda ukuti namwe bulo musangalusiwe nukupokela amaka agha bujivu nkani, bo muli muntamyo ukuyana nintamyo zizyo naswe bulo tukaba nazyo.

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa

2 Aba Kolinti 11:23

Nkimba abene babombi aba Kilisitu? Nkunena ngati po ne chipena, ane ne mutumiwa ukubachila abene. Nabomba nkani imbombo ukubachila abene, sona akabalilo akinji nighaliliwa mujele. Nkasyempiwa ni nkomwa izyakusita kubelengiwa, sona nukukomana nintamyo izya bufwe kabilikabili.

Aba Galatiya 5:11

Mwee bakamu bane, loli nanti ane inchili nkulumbilila nizya kusilimula, po choni chicho inchili nkuvwimiwa? Nanti nkalumbililagha nizya kusilimula, kokuti ubulumbilili bwane nizya chipinjika icha Kilisitu ngali chite chipunulo.

Aba Galatiya 5:2

Lema amazyu ghane! Ane ne Pabuli nkunena namwe ukuti nanti mwasilimuliwa, kokuti u Kilisitu ate ni mbombo kukwinyu.

Aba Galatiya 5:24

Sona babo ba Kilisitu u Yesu bakomela ubuntu bwabo ubwa mbibi pachipinjika poka ni vyakulonda, sona ni vinyonywa vyache.

Aba Efeso 3:11

U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu.

Aba Efeso 3:13

Po losi ulu nkubalaba ukuti mutakanyokele kwisinda pachifukwa ichakubayimbila, chicho buchindamu bwinyu.

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

Aba Efeso 4:1

Ane indi mujele pachifukwa icha mbombo iya Mwene, nkubalaba ukuti mwikalaye nubumi bubo u Chala akalondagha ukuti mubanje nabo, bo akubitizya.

Aba Efeso 6:20

Napapo indi mujele, ane ne mwimilili pachifukwa icha Mazyu Amiza ghanagha. Mwiputaye ukuti inene nu bujivu nkani ukuyana namumo imbaghiye pakunenela.

Aba Filipi 1:7

Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke.

Aba Kolosi 1:24

Ilelo ane nemwene nahoboka nkani nukuyimba kwane pachifukwa icha mwemwe. Pakuti ukuvwimiwa kuchili kukwendelela ukuyana namumo u Kilisitu akavwimiliwa. Nane bulo nkusendapo ichigaba mukuvwimiwa kuko u Kilisitu akakomana nako pachifukwa icha mubili wache, chicho chipanga.

Aba Kolosi 4:18

Ni nyobe iyane ni yane, nkusimba amazyu aghakuti: Mwaghona. Nene Pabuli. Mukumbuke ukuti indi mumpingu! Ichisa icha Chala chibanje namwe.

Aba Kolosi 4:3

Mutwiputilaye naswe bulo, umwakuti u Chala angatwighulila umulyango ukuti tulumbilile nizya kubusyefu izya Kilisitu, pakuti cho chifukwa indi mujele.

2 Timoti 1:16

U Mwene ayipelele ichisa inyumba iya Onesifola, pakuti kabilikabili weyuyo anyangazyanga. Atakaba ni soni napapo nkaba mujele.

2 Timoti 1:8

Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

Filimoni 1:1

Ane ne Pabuli, ne indi mujele pachifukwa icha Kilisitu u Yesu, sona na mubuzilo ubwa Timoti umukamu witu. Nkumusimbila u Filimoni, yuyo mumanyani witu, sona nu mubombi uwamwitu.

Filimoni 1:23

U Epafula, yuyo ali poka nane mujele pachifukwa icha Kilisitu u Yesu, akukulamuka.

Filimoni 1:9

loli pachifukwa icha lughano, nkwiza pakukulambilizya bulo. Ane ne Pabuli umuntu umughosi, sona pakabalilo aka indi mujele pachifukwa icha Kilisitu u Yesu.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.