Aba Efeso 2:3 - IBAYIBOLO 2024

³ Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.

Ulufingo Ulupya

³ Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana na mumo bukumubaghilila umuntu wesi.

Aba Efeso 2:3 Iomraidhean Croise

Ubwandilo 5:3

Bo u Adamu ali na maka 130, akapapa umwana umulumendo munkozya yache nukumwita ukuti we Seti.

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Yobu 25:4

Po nkimba umuntu angaba bulibuli mugholosu pamaso pa Chala? Nkimba umuntu yuyo apapiwe nu mukolo, angaba bulibuli muzelu?

Masalimo 51:5

Naloli nkapapiliwa mumbibi, nkaba ne mubibi ukwandila papo umayi wane akamela ulwanda.

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Maliko 4:19

Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala ukuti batakape ivikomwa.

Yohani 1:13

Pakwanduka bana aba Chala, batakapapiwa ukuyana namumo abana bakupapiliwa pachifukwa icha bwighane ubwa muntu, loli bakapapiliwa mwa Chala.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 14:16

Kale u Chala akabitikizya abantu bosi pakubomba imbombo zyabo zizyo bakinong'onagha ukuti ngolosu.

Aba Loma 1:24

Polelo u Chala akabaleka abantu ukuti babombaye bulo ivinyonywa ivibibi, vivyo amoyo ghabo ghakunyonywa, mupaka nukughanyazya amabili ghabo.

Aba Loma 11:30

Ngati mumo amwe mwe bantu babo bate ba Yuda kale mutakamwivwila u Chala, loli ilelo mwapokela ichisa icha Chala pachifukwa ichakusita kwivwila kwa ba Yuda.

Aba Loma 13:14

Loli umwenecho u Mwene u Yesu Kilisitu abanje chilwilo chinyu icha bwite, sona mutakakonkaye ivinyonywa vyinyu ivibibi ivyakupapiwa navyo, nukubomba vivyo ghakulonda.

Aba Loma 2:14

Abantu babo bate ba Yuda bate ni Ndaghilo, loli bo bakubomba nu buntu bwabo ukuyana ni Ndaghilo, palwabo nu lwabo bakulanjizya ukuti bavimenye vivyo babaghiye pakuvibomba, napapo bate ni Ndaghilo izya Mozesi.

Aba Loma 5:10

Pakuti tukaba balwani aba Chala, loli akasayana naswe ukwendela mu bufwe ubwa Mwana wache. Pakuti ilelo twaba bamanyani aba Chala, naloliloli tukwiza pakupokiwa ukwendela mubumi ubwa Kilisitu!

Aba Loma 5:9

Pakuti ukwendela mwibanda lyache, twaneniwa ukuti twe bantu bagholosu pamaso pa Chala. Po naloli tukwiza pakupona u bukali ubwa Chala ukwendela mumwache.

Aba Loma 6:12

Polelo mutakitikizye ukuti imbibi yilamulilaye amabili ghinyu ghagho ghakufwa, umwakuti mukonke ivinyonywa ivya mabili ghinyu.

Aba Loma 7:18

Inzimenye ukuti nachimochimo ichiza chicho chili mumwane, kokuti ubuntu bwane ubwa mbibi. Napapo nkulonda pakubomba ichiza, loli nkupotwa pakuchibomba.

Aba Loma 9:22

Umwakuyana bulo, wepe u Chala akalondagha pakulanjizya ubukali bwache, po akalondagha sona ukuti amaka ghache ghamanyikwe. Loli akabalanjizya abantu ubufisalyoyo bwache babo akabakalalila, sona babo bakabaghila pakuzimila.

1 Aba Kolinti 4:7

Nkimba wewenu akakupela pakuba wapamwanya ukuchila na bamwinyu? Nkimba u Chala atakakupa vyosi vivyo uli navyo? Polelo ungituvya bulibuli, ngati po ivintu vivyo uli navyo vitakaba chabupi?

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Aba Galatiya 3:22

Loli Amasimbo ghakuti ichisu chosi ichapasi chili pasi pamaka agha mbibi, umwakuti chicho u Chala akalayizya ukwendela mu lwitiko mwa Yesu Kilisitu, chingapeghiwa ku bantu babo bakusubila.

Aba Efeso 2:2

Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala.

Aba Efeso 4:22

Polelo mubuvule ubuntu bwinyu ubwakale bubo bukayana nubumi bwinyu ubukali bula, sona bubo bwananganika pachifukwa icha vinyonywa vyache ivyabumyasi.

Aba Kolosi 1:21

Akabalilo kamo amwe mukaba kubutali nu Chala, sona mukaba balwani bache, pachifukwa icha nyinong'ono zyinyu, sona ni mbombo zyinyu imbibi.

1 Aba Tesalonika 4:13

Bakamu bitu, tukulonda mumanye ubwanaloli nizya bantu babo bafuye, umwakuti mutakabe ni chitima ukuyana na bantu babo bate nu lusubilo.

1 Aba Tesalonika 5:6

Po tutakabanje ngati twe bantu abanji, babo baghonite utulo, loli tubanje maso, sona tutakakolwe.

1 Timoti 6:9

Loli abantu babo bakulonda ubukabi, bakuwila munjelo, sona na muchipingo icha chinyonywa icha bupunganu ni chakuvulazya, chicho chikubabika abantu mukunanganika na mukuzimila.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

1 Pitala 1:14

Mumwivwilaye u Chala, sona mutakavikonkaye ivinyonywa vyinyu ivyakale vivyo mukaba navyo, bo muchili muli muchisi.

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

1 Yohani 2:16

Vilipo ivintu ivyinji ivya muchisu ichapasi vivyo vyo ivi: Ivinyonywa ivibibi ivya buntu, ivintu vivyo amaso ghakuvyennya nukuvinyonywa, ukwitutumula nu bukabi bubo tuli nabo. Ivintu vyosi vinivi vitafumite kwa Tata, loli vintu bulo ivya muchisu ichapasi.

1 Yohani 2:8

Loli indi pakubasimbila ilamulo ilipya. Ubwanaloli bwache bukuboneka mumwache sona mumwinyu, pakuti ichisi chikumala, ulukozyo ulwenecho lwandite kale pakulama.