Aba Efeso 1:7 - IBAYIBOLO 2024

⁷ Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Ulufingo Ulupya

⁷ Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Aba Efeso 1:7 Iomraidhean Croise

Yobu 33:24

pakumupelela ichisa nukuti, “Umupoke ukuti atakabukaye kwipumpa; pakuti nachagha ichakwiyipa ichakupepesezya imbibi zyache,

Masalimo 130:4

Loli awe ukuhobokela, cho chifukwa ukuchindikiwanga.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Daniyeli 9:19

Eee Mwene teghelezya. Wee Mwene utuhobokele. Wee Mwene, ivwa sona bombapo zimo! Wee Chala utakakabaye! Umwakuti abantu bosi bamanye ukuti we Chala, pachifukwa ichakuti akaya kako akakulu nkani sona na bantu bako bamanyikwe pachifukwa icha Itabwa lyako.”

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Zekaliya 9:11

“Wee Yelusalemu, pachifukwa icha libanda lyane ilya lufingo lwane, nkwiza pakubasatula abakayidi binyu muchiliba chicho chite namizi.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Matayi 26:28

Pakuti ili libanda lyane ilyakusimikizya ulufingo ulwa Chala, lilyo lyatonya ukuti abantu abinji bahobokeliwe imbibi zyabo.

Matayi 6:12

Utuhobokele imbibi zyitu ukuyana namumo naswe bulo tukubahobokela abantu babo bakutunangila.

Maliko 14:24

U Yesu akati, “Ili lyo libanda lyane ilyakusimikizya ulufingo ulwa Chala, lilyo lyatonya pachifukwa icha bantu abinji.

Luka 1:77

Ukwiza pakubabuzya abantu bache ukuti bakwiza pakupokiwa pakuhobokeliwa imbibi zyabo.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Yohani 20:23

Nanti mukubahobokela abantu imbibi zyabo, naloli bakuhobokeliwa, loli nanti mutakubahobokela imbibi zyabo, naloli batakuhobokeliwa.”

Imbombo 10:43

Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”

Imbombo 2:38

U Pitala akababuzya akati, “Mwebosi mupinduke nukuzileka imbibi zyinyu nukoziwa mwitabwa ilya Yesu Kilisitu. Po u Chala akwiza pakubahobokela imbibi zyinyu, nukupokela ichabupi icha Muzimu Umuzelu.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

Aba Loma 2:4

Nkimba awe ukuchisula ichisa ichikulu icha Chala, ubufisalyoyo bwache, sona nu buchimyeka? Nkimba utazimenye ukuti u Chala uwa chisa pakuti akuyezya pakukulongozya ukuti upinduke nukuzileka imbibi zyako?

Aba Loma 3:24

Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka.

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 9:23

Sona akalondagha pakubuvumbula ubuchindamu bwache ubukulu, bubo akatupungulila twe bantu babo akaba naswe ni chisa, sona babo abayanizizya pakupokela ubuchindamu bwache.

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Aba Efeso 1:14

U Muzimu Umuzelu yunuyu we chikole icha vintu vivyo u Chala akabalayizya abantu bache, sona nukuti naloli u Chala akwiza pakubapoka abantu, babo akabasatula ukuti babanje bache na bache. U Chala apaliwanje nukupokela ubuchindamu.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 1:8

chicho akatupa pachifukwa icha maka na mahala ghache.

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Aba Efeso 3:16

Nkwiputa ukuti ukufuma mu bukabi bwache ubwa buchindamu angabapa amaka mwa Muzimu wache Umuzelu ukuti amoyo ghinyu ghabanje na maka

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

Aba Filipi 4:19

U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Aba Kolosi 1:14

Ukwendela mwibanda lyache, akatusatula kumbibi, kokuti akatuhobokela imbibi zyitu.

Aba Kolosi 1:27

Chicho u Chala akulonda chakuti abavumbulile abantu bache izya kubusyefu, chicho bukabi nu buchindamu pakasi pabantu aba inko zyosi. Izyakubusyefu zinizi zyakuti u Kilisitu akwikala mumwinyu, chicho chikusimikizya ukuti mukwiza pakugabana ubuchindamu ubwa Chala.

Aba Kolosi 2:13

Amwe kale mukaba mwe bantu abafwe pachifukwa icha mbibi zyinyu, sona pachifukwa ichakuti mukaba abasita kusilimuliwa mumoyo ghinyu. Loli ilelo u Chala abapiye ubumi poka nu Kilisitu. U Chala akatuhobokela imbibi zyitu zyosi.

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

1 Timoti 2:6

Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Titi 3:6

U Chala akatupungulila u Muzimu Umuzelu umwakusita ukumamilizya ukwendela mwa Yesu Kilisitu Umupoki witu,

Aba Hebeli 9:22

Naloli, ukuyana ni Ndaghilo izya Mozesi, papipipipi ichintu chosi chikuswefiwa ni banda, sona imbibi zikuhobokeliwa nanti ibanda lyatonya.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

1 Yohani 2:12

Nkubasimbila amwe mwe bana bane, mwe imbibi zyinyu zyahobokeliwa pachifukwa icha vivyo u Kilisitu akabomba.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

1 Yohani 4:10

Ulughano ulwenecho lo ulu: Tute sweswe twe tukamughana u Chala, awe. Loli u Chala weyuyo akatughana nukututumila u Mwana wache ukuti abanje chakwiyipa ichakuhobokela imbibi zyitu.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.