Aba Efeso 1:6 - IBAYIBOLO 2024

⁶ Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Ulufingo Ulupya

⁶ Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 1:6 Iomraidhean Croise

Masalimo 22:20

Poka ubumi bwane kwa panga, sona ubumi bwane ubwapamwanya munyobe izya mbwa izyamaka.

Masalimo 60:5

Tupoke nukutwavwa ni nyobe yako indilo, umwakuti twe baghaniwa bako tupone.

Ivyili 16:4

Chosi chicho u Mwene achipelite chili nu bumalilo bwache, po ubumalilo ubwa muntu umubibi ko kunanganika.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yesaya 43:21

Abantu babo nkimatila nemwene, ukuti bafumusyanje amapalo ghane!

Yesaya 61:11

Pakuti ngati mumo itope likumezezya imbeyu, sona ngati mumo umughunda, ghukukuzizya imbeyu, zizyo babyalitemo, momumo u Mwene Uwamaka Ghosi, wepe akwiza pakubombela nu bugholosu, namapalo pamaso pa inko zyosi.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Aba Levi 15:15

Umuputi yula abike ichiyuni choka ukuti chibanje ichakupepesezya imbibi, sona ichinji ukuti chibanje chakwiyipa ichakocha. Bunubu umuputi akwiza pakubika ichakwiyipa ichakupepesezya imbibi izya muntu uwakufumya amafila yula.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Matayi 17:5

Bo u Pitala achili akunena, ibingu ilyakulama likabakupikila, sona izyu likivwika mwibingu likati, “Uyu Mwana wane umughaniwa, yuyo ihobokite nkani nawe. Mumwivwilaye!”

Matayi 20:9

Abaganyu babo bakanda pakubomba fayivi koloko pachamabwila bakabalipila isalabazya yoka umuntu weka.

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Luka 2:14

“Ubuchindamu kwa Chala uwakumwanya nkani, umutende pachisu ichapasi pakasi pabantu babo u Chala akuhoboka nkani nabo!”

Yohani 10:17

“Utata anganite pachifukwa ichakuti niyipiye pakubutagha ubumi, umwakuti nize imbupokele sona.

Yohani 3:35

Uwise amughanite u Mwana sona abikite ivintu vyosi munyobe zyache.

Aba Loma 8:1

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

2 Aba Kolinti 4:15

Zyosi zinizi zili bunubu pachifukwa icha mwemwe, umwakuti abantu na bantu bakwiza pakumanya namumo ichisa icha Chala chibeleye, po bakwiza pakumupalizya u Chala, sona nukumuchindika.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:14

U Muzimu Umuzelu yunuyu we chikole icha vintu vivyo u Chala akabalayizya abantu bache, sona nukuti naloli u Chala akwiza pakubapoka abantu, babo akabasatula ukuti babanje bache na bache. U Chala apaliwanje nukupokela ubuchindamu.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Aba Filipi 1:11

Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

Aba Filipi 4:19

U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Aba Kolosi 1:13

Pakuti akatupoka kumaka agha chisi, nukutwinjizya mubumwene ubwa Mwana wache umughaniwa.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.