Aba Efeso 1:5 - IBAYIBOLO 2024

⁵ Pachifukwa ichakuti akatughana akatuyanizya zila ukuti atupokele pakuba bana bache mwa Yesu Kilisitu. Akabomba zinizi pachifukwa ichakuti akalondagha pakulanjizya ichisa chache.

Ulufingo Ulupya

⁵ Pachifukwa chakuti akatughana akatuyanizya zila ukuti atupokele pakuba bana bache mwa Yesu Kilisitu. Akabomba zinizi pachifukwa chakuti akalondagha pakulanjizya ichisa chache.

Aba Efeso 1:5 Iomraidhean Croise

Yelemiya 3:19

U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Yelemiya 3:4

Nkimba ute wewe wanyitizya lunulu bulo ukuti, ‘Tata wane, mumanyani wane ukwanda po pabulumendo bwane?

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Matayi 1:25

Loli atakakomanapo nawe nalumolumo mupaka papo akapapila umwana umulumendo. Po u Yosefu akamwita ukuti we Yesu.

Matayi 11:26

Eee, Tata, umu momumo ukalondela ukuti chibombiwanje.

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Luka 11:32

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe, pachifukwa ichakuti bakapinduka nukuzileka imbibi zyabo, bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Luka 12:32

“Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

Yohani 1:12

Loli abantu bosi babo bakamupokela nukumusubila, akabapa ubulaghili pakuba bana aba Chala.

Yohani 11:52

kute kokuti akwiza pakulufwila uluko lwabo lwene, loli pakubabungannya sona abana aba Chala babo banyampanite.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Imbombo 13:48

Bo abantu babo bate ba Yuda bivwa zinizi, bakahoboka nukughapala amazyu agha Mwene. Po abantu bosi babo u Chala akabasala ukuti bapokele ubumi ubwa bwila na bwila, bakasubila.

Aba Loma 8:23

Loli vite vipeliwa vyene vivyo vikukoloma; aswe twe tuli ni seke izyakwanda izya Muzimu Umuzelu, naswe tukukolomela mukasikasi, bo tukulindilila ukuti u Chala utupele pakuba twe bana bache, sona nukughapoka amabili ghitu ghosi.

1 Aba Kolinti 1:1

Ane ne Pabuli, nene nkitiziwa pakuba mutumiwa uwa Kilisitu Yesu, ukuyana nu bwighane ubwa Chala, sona na ku mukamu witu u Sositeni.

1 Aba Kolinti 1:21

Pakuti u Chala mumahala ghache, akabatikila zila ukuti abantu batakamumanye na mahala ghabo. Loli chikamuhobosya u Chala ukuti abapoke abantu babo bakughasubila amazyu ghagho tukulumbilila, napapo abene bakuti ghabupunganu.

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Aba Galatiya 3:26

Mwebosi mwe bana aba Chala pakwendela mulwitiko mwa Kilisitu u Yesu.

Aba Efeso 1:11

Ivintu vyosi vikubombiwa ukuyana na kabatikile na kadumulile aka Chala. U Chala akatusala mwa Kilisitu ukuti tubanje bantu abache na bache. Pakuti iyi yikaba yo fundo yache, ukuyana namumo akadumulila po pabwandilo.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Filipi 2:13

Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.

Aba Kolosi 1:19

Pakuti chikamuhobosya u Chala ukuti ubwachala bwache bosi bubanje mu Mwana wache.

2 Aba Tesalonika 1:11

Ichi cho chifukwa tukubiputila amwe akabalilo kosi ukuti u Chala witu abapele pakuba bantu bakubaghila mubumi bubo umwene akabitizizya. Na maka ghache, u Chala abavwe amwe pakubomba zizyo mukulonda pakuzibomba, sona nukuti mukwanilisye zyosi zizyo mukubomba ukwendela mu lwitiko lwinyu,

Aba Hebeli 2:4

U Chala wepe akasimikizya ukwendela muvimanyilo, ni viswigho, sona ni vyika ivyakulekanalekana pakubagabila ivyabupi ivya Muzimu Umuzelu ukuyana nu bwighane bwache.

1 Yohani 3:1

Ennya namumo u Tata u Chala atughaniye, umwakuti tukwitiziwa bana bache! Naloli twe bana bache! Ichifukwa chicho ichisu ichapasi chitakutumanya chakuti ichisu chinichi chitamumenye u Chala.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.