Aba Efeso 1:19 - IBAYIBOLO 2024

¹⁹ Nkulonda sona ukuti mumanye amaka ghache ghagho ghachilite ni chipimilo ghagho ghali pambombo mumwitu, aswe twe tukusubila, ukuyana na maka ghache amakulu nkani.

Ulufingo Ulupya

¹⁹ Nkulonda sona ukuti mumanye amaka ghache ghagho ghachilite ni chipimilo ghagho ghali pambombo mumwitu, aswe twe tukusubila, ukuyana na maka ghache amakulu nkani.

Aba Efeso 1:19 Iomraidhean Croise

Yesaya 53:1

Nkimba wewenu yuyo azisubila zizyo twazyivwa, sona wewenu yuyo u Mwene amuvumbulila amaka ghache?

Yohani 3:6

Umuntu akupapiwa ku mubili na bapapi bache, loli akupapiwa ku muzimu nu Muzimu Umuzelu.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Aba Loma 1:16

Pakuti inte ni soni pakulumbilila Amazyu Amiza, pachifukwa ichakuti gho maka agha Chala ghagho ghakubapoka abantu bosi babo bakusubila, ukwandila naba Yuda, pisinda pache na bantu babo bate ba Yuda bulo.

2 Aba Kolinti 4:7

Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe.

2 Aba Kolinti 5:17

Polelo nanti umuntu amamatilana poka nu Kilisitu, aba chipeliwa ichipya, ubwakale bwamala, ubupya bwafika.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Aba Efeso 3:7

Muchisa chache u Chala akampela mubombi uwa Mazyu Amiza, po pakubomba bunubu akandanjizya amaka ghache.

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

Aba Filipi 2:13

Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.

Aba Filipi 3:21

Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Aba Kolosi 1:29

Ichi cho chifukwa nkwiyula nkani, ukuyana na maka ghagho u Kilisitu akumpa, ghagho ghakubomba imbombo mumwane.

Aba Kolosi 2:12

Pakuti bo moziwa, mukasyiliwa poka nu Kilisitu, sona nu lozyo lulalula mukazyuka poka nawe pakuti mukasubila mumaka agha Chala, yuyo akamuzyusya kubufwe.

1 Aba Tesalonika 1:5

Pakuti Amazyu Amiza ghagho tukiza nagho kukwinyu, ghatakaba mazyu ghene awe, loli na maka, sona nu Muzimu Umuzelu nu bwanaloli ubwakufikapo. Muzimenye namumo tukikalilagha, bo tuli poka namwe. Tukabombagha bunubu ukuti tubavwe.

2 Aba Tesalonika 1:11

Ichi cho chifukwa tukubiputila amwe akabalilo kosi ukuti u Chala witu abapele pakuba bantu bakubaghila mubumi bubo umwene akabitizizya. Na maka ghache, u Chala abavwe amwe pakubomba zizyo mukulonda pakuzibomba, sona nukuti mukwanilisye zyosi zizyo mukubomba ukwendela mu lwitiko lwinyu,

Yakobo 1:18

Mubwighane bwache, akatupa ubumi ukwendela mu mazyu ghache aghanaloli, umwakuti tubanje nu buzilo ubwakwanda pakasi pa vipeliwa vyache vyosi.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.