Aba Efeso 1:10 - IBAYIBOLO 2024

¹⁰ Ulubatiko ulu, lulo u Chala akwiza pakumalizya bo akabalilo kakwana lwakuti, u Chala akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu.

Ulufingo Ulupya

¹⁰ Ulubatiko ulu, lulo u Chala akwiza pakumalizya bo akabalilo kakwana lwakuti, u Chala akwiza pakubungannya poka ivipeliwa vyosi, ni vintu vyosi ivya kumwanya nivya muchisu ichapasi, po u Kilisitu akwiza pakuba mutu.

Aba Efeso 1:10 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Matayi 25:32

Po abantu aba inko zyosi bakwiza pakubungana poka pamaso papache. Akwiza pakubagaba pabili ukuyana namumo umudimi akupaghulila ing'ozi ni mbuzi.

Maliko 1:15

Akati, “Akabalilo kakwana, u Chala ali papipi pakwikazya Ubumwene bwache! Pinduka nukuzileka imbibi zyinyu nukusubila Amazyu Amiza!”

1 Aba Kolinti 10:11

Ivintu vinivi vikababonekela pakuba chifwanikizyo, sona vikasimbiwa ukuti vitusoke. Pakuti tuli pakabalilo, kako ubumalilo buli papipi pakwiza.

1 Aba Kolinti 11:3

Loli nkulonda mumanye ukuti u Kilisitu we mutu uwa mwanavuli wesi, umwanavuli wepe we mutu uwa mukolo, sona u Chala wepe we mutu uwa Kilisitu.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

Aba Efeso 1:22

U Chala akavibika ivintu vyosi pasi panyayo izya Kilisitu, sona akamwikazya pamwanya pavintu vyosi pakuba mutu uwa chipanga.

Aba Efeso 2:15

Akamazya Indaghilo izya Mozesi poka na malamulo ghache, umwakuti patubukatila tubili utwa bantu tungipela twene pakuba luko loka ulupya, kokuti kubanje umutende,

Aba Efeso 3:15

yuyo akalwita itabwa lyache uluko losi ulwa kumwanya ni chisu ichapasi.

Aba Efeso 3:2

Naloli mwivuye ukuti u Chala muchisa chache ampiye imbombo ukuti imbombaye pakasi papinyu.

Aba Kolosi 1:16

Pakuti ukwendela mumwache, u Chala akapela ivintu vyosi ivya kumwanya nivya muchisu ichapasi, ivyakuboneka na maso, sona vivyo vitakuboneka na maso, manyi bamwene, manyi basongosongo, manyi balaghili, manyi bamaka. U Chala akapela ivintu vyosi ukwendela mumwache.

Aba Kolosi 1:20

Ukwendela mu Mwana wache u Chala akalondagha ukuti ivintu vyosi visayane nawe, manyi vya muchisu ichapasi, manyi vintu ivya kumwanya pakupanga umutende ukwendela mwibanda ilya Mwana wache pachipinjika.

Aba Kolosi 3:11

Mubumi ubupya ubu, patalipo sona ukulekana pakasi pa mu Yuda nu muntu yuyo ate mu Yuda, pakasi pa musilimuliwa pamo umusita ukusilimuliwa, umuntu muyeni pamo umuntu yuyo ate mumanyi, umuzya pamo umuntu umusatuke, loli u Kilisitu we vyosi, sona akwikala mu bosi.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.

Aba Hebeli 11:40

pakuti u Chala akatuyanizya ichintu ichizapo nkani, umwakuti abantu bosi bala batakabe bakufikapo ukusita aswe.

Aba Hebeli 9:10

Pakuti ivi vyo vintu ivyakunena bulo nizya vyakulya ni vyakung'wela, sona ni nyiho izyakulekanalekana izyakwiswefya. Izi zyo ndaghilo izyakuzi bulo, zizyo zikwiza pakubako mupaka pakabalilo kako u Chala akwiza pakwikazizya ulubatiko ulupya.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.