Abalongi 9:6 - IBAYIBOLO 2024

⁶ Po abenekaya aba mu Shekemu, sona naba mu Beti Milo, bakabungana poka muntende mwikwi ipaghuliwa ilya mupandapanda mu Shekemu pakumwimika u Abimeleki pakuba we mwene.

Abalongi 9:6 Iomraidhean Croise

2 Samuweli 5:9

Po u Devedi akafyula ilinga lila, akikala mulamula nukulyita ukuti, “Akaya akakulu nkani aka Devedi.” Po akalizengela ilinga lila akaya akakulu nkani ukwandila kuko kale kukaba ikombe, kubufumilo bwizuba mupaka mukasi.

1 Abamwene 12:1

U Lehobowamu akabuka ku Shekemu, pakuti aba Izilayeli bosi bakabungana kulakula pakumwimika ukuti abanje we mwene.

1 Abamwene 12:20

Bo aba Izilayeli bosi bivwa ukuti u Yelobowamu anyokako, bakamwitizya kulukomano pakumwimika ukuti abanje we mwene wabo. Loli uluko ulwa Yuda lukaba pasi pa bamunyumba iya Devedi.

1 Abamwene 12:25

U Yelobowamu akakazenga sona akaya akakulu nkani aka Shekemu muchisu icha maghamba icha Efulayimu nukwikala mulamula. Pisinda pache akabuka pakukazenga akaya akakulu nkani aka Penuweli.

2 Abamwene 12:20

Amakambala ghache ghakabatika nizya kumughogha, po ghakamughoghela mwilinga ilya Beti Milo mumusebo uwakubukila ku Sila.

Yoshwa 24:26

U Yoshwa akavisimba ivintu vyosi vinivi mwibuku ilya Ndaghilo izya Chala. Po akasenda ibwe ikulu nukulyimika muntende mwikwi ilya mupandapanda papipi ni Chipinda Ichizelu icha Mwene.

Abalongi 9:5

Akabuka kunyumba iya wise mu Ofula, nukubaghoghela pibwe lyoka abawamwabo 70 abana aba Yelubi Baala bala. Loli u Yotamu unkwangu uwa Yelubi Baala, akapona pachifukwa ichakuti akavwama.

Abalongi 9:7

Bo u Yotamu ivwa zinizi akakwela pamwanya pighamba ilya Gelizimu nukukolomoka nkani ukuti, “Mwee benekaya aba mu Shekemu munteghelezye, umwakuti namwe bulo u Chala abateghelezye.