Abalongi 9:57 - IBAYIBOLO 2024

⁵⁷ U Chala akabatanizya abantu aba mu Shekemu pachifukwa icha bubibi bwabo bosi. Po ichighune icha Yotamu umwana uwa Yelubi Baala chikabawila babo.

Abalongi 9:57 Iomraidhean Croise

2 Samuweli 3:39

Ilelo inte na maka sona, napapo ne mwene umupakiwa, sona abana aba Zeluya bamaka nkani ukunchila. U Mwene amutanizye umuntu umubibi yunuyu ukuyana nu bubibi bwache.”

1 Abamwene 16:34

Pakabalilo aka Ahabu, u Heyeli uwamu Beteli akakazenga sona akaya akakulu nkani aka Yeliko. Ukatote wache u Abilamu akafwa pakabalilo kako akala ulwalo ulwa kaya akakulu nkani aka Yeliko. Po unkwangu wache u Segubi wepe akafwa pakabalilo kako akazenga imilyango iya kaya kala, ukuyana namumo u Mwene akamubuzizya u Yoshwa umwana uwa Nuni.

1 Abamwene 2:32

U Mwene akwiza pakumutanizya pachifukwa ichakubaghogha abantu babili bala, babo bakaba bantu abagholosu ukumuchila yuyo, ukusita utata wane u Devedi ukuzimanya. Abantu babili banaba bo aba: U Abinala umwana uwa Neli, usongo uwa basilikali aba Izilayeli, sona nu Amasa umwana uwa Yeteli, usongo uwa basilikali aba Yuda.

Masalimo 7:17

Nkumupalizya u Mwene pachifukwa icha bwanaloli bwache, sona nkwiza pakumwimbilagha inyimbo izya mapalo u Chala Uwakumwanya Nkani.

Masalimo 94:23

Akwiza pakubatanizya pachifukwa icha mbibi zyabo, po akwiza pakubanangannya pachifukwa icha bubibi bwabo. U Mwene u Chala witu akwiza pakubazimizya.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Yesaya 3:11

Chighune ku bantu ababomba imbibi, ukunangika kukwiza pakubawila, pakuti chicho inyobe zyabo zikubomba, cho chicho chikwiza pakubawila.

Yoshwa 6:26

Pakabalilo kalakala u Yoshwa akabasoka nkani abantu akati, “U Mwene amughunaye umuntu wesi yuyo akwiza pakukazenga sona akaya aka Yeliko. Umuntu wesi yuyo akwiza pakwala sona ulwalo lwakaya akakulu nkani kanaka, umwana wache ukatote akwiza pakufwa. Umuntu wesi yuyo akwiza pakubika sona imilyango iya kaya akakulu nkani kanaka, umwana wache unkwangu akwiza pakufwa.”

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.

Abalongi 10:1

Bo u Abimeleki afwa, pakizapo u Tola umwana uwa Puwa umwizukulu uwa Dodo, weyuyo akakonkapo pakubapoka aba Izilayeli. U Tola akaba waluko ulwa Isakala, loli akikalagha mu Shamili muchisu icha mumaghamba icha Efulayimu.

Abalongi 9:20

Loli nanti te momumo zibeleye, umoto ghufume mwa Abimeleki nukubalungulizya amwe mwe benekaya aba mu Shekemu, sona naba mu Beti Milo. Umoto ghufume mumwinyu mwe benekaya aba mu Shekemu, naba mu Beti Milo nukumulungulizya u Abimeleki.”

Abalongi 9:24

Izi zikaba bunubu pakutanizya ibanda ilya bana 70 aba Yelubi Baala, babo bakaghoghiwa, pakasi pa Abimeleki napa benekaya aba mu Shekemu.

Abalongi 9:45

U Abimeleki akalwa ubwite isiku lyosi lila mupaka akakafyula akaya akakulu nkani kala nukubaghogha abantu bosi mulamula. Pisinda pache akakamongolannya akaya kala nukukanyafila ni mbeya.

Abalongi 9:56

Umu momumo u Chala akamutanizizya u Abimeleki pachifukwa icha mbibi yiyo akamunangila uwise pakubaghogha abawamwabo 70 bala.