Abalongi 9:1 - IBAYIBOLO 2024

¹ U Abimeleki umwana uwa Gidiyoni akabuka ku Shekemu pakukomana na bakamu aba nyina, poka na bosi abaluko ulwa nyina nukubabuzya ukuti,

Abalongi 9:1 Iomraidhean Croise

Ubwandilo 33:18

U Yakobo akafika akiza nkani muchisu icha Kenani, pabulendo bwache ubwakufuma ku Mesopotamiya. Akazenga ivisakasa vyache pabuzilo bumo ubwakwenannya nakaya akakulu nkani aka Shekemu.

Ubwandilo 34:2

Bo u Shekemu umwana uwa Hamoli umu Hivi, yuyo akaba we mwene uwa chigaba chilachila, amwennya, akumulema pamaka nukumusamula.

2 Samuweli 15:6

U Abisalomu akababombelagha bunubu aba Izilayeli bosi, babo bakizagha ninongwa zyabo kwa mwene. Po bunubu aba Izilayeli bakapalamasiwa nkani nu Abisalomu.

1 Abamwene 12:1

U Lehobowamu akabuka ku Shekemu, pakuti aba Izilayeli bosi bakabungana kulakula pakumwimika ukuti abanje we mwene.

1 Abamwene 12:20

Bo aba Izilayeli bosi bivwa ukuti u Yelobowamu anyokako, bakamwitizya kulukomano pakumwimika ukuti abanje we mwene wabo. Loli uluko ulwa Yuda lukaba pasi pa bamunyumba iya Devedi.

1 Abamwene 12:3

Abantu bakamwitizya u Yelobowamu, po u Yelobowamu poka ni chilundilo chosi icha ba Izilayeli bakabuka kwa Lehobowamu nukumubuzya ukuti,

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 41:5

abantu 80 aba ku Shekemu naba ku Shilo sona naba ku Samaliya babo bakamwa indevu zyabo, bakazepulannya amenda ghabo nukwibolannya bene ukulanjizya ukuti bali pa chililo. Bakasenda ivyakwiyipa ivya busu sona nutwakununkila nukuvibika mu Nyumba iya Mwene.

Yoshwa 20:7

Po aba Izilayeli bakasala akaya akakulu nkani aka Kedeshi mu Galileya muchisu icha mumaghamba icha Nafutali nakaya akakulu nkani aka Shekemu muchisu icha mumaghamba icha Efulayimu sona nakaya aka Kiliyati Aliba kokuti Hebuloni muchisu icha mumaghamba icha Yuda.

Abalongi 8:30

U Gidiyoni akaba na bana 70, pachifukwa ichakuti akaba na bachi abinji.

Abalongi 8:31

Umuchi wache umuzya akikalagha mu Shekemu, yuyo akapapa nawe umwana umulumendo nukumwita ukuti we Abimeleki.

Abalongi 8:35

Aba Izilayeli bala batakabapelela ichisa abamunyumba iya Yelubi Baala, (kokuti u Gidiyoni) pachifukwa icha bwiza bosi bubo u Gidiyoni akababombela.