Abalongi 8:6 - IBAYIBOLO 2024

⁶ Loli amakambala agha mu Sukoti ghakamula ghakati, “Nkimba choni chicho tubape ivibama vimo abasilikali bako? Fwandi umulemite kale u Zeba nu Zalimuna?”

Abalongi 8:6 Iomraidhean Croise

Ubwandilo 25:13

Agha gho matabwa agha bana abaluko ulwa Ishimayeli: U Nebayoti akaba we katote wache, po pakakonkapo u Kedali nu Adibeli nu Mibisamu,

Ubwandilo 37:25

Bo bakwikala pasi ukuti balye ichakulya chabo, bakennya akabukatila aka baghulizi abaluko ulwa Ishimayeli kafuma ku Giliyadi nukubuka ku Ijiputi. Ingamila zyabo zikanyamula utwakunonezya ivyakulya na mafuta agha ikwi ilya balimu sona nagha mule pabulendo bwabo ubwa ku Ijiputi.

Ubwandilo 37:28

Bo abaghulizi aba ku Midiyani biza palapala, abawamwabo bakamufumizya kuzi u Yosefu nukumughulizya kwa Ishimayeli ni ndalama izya siliva izyakukwana 20, po bakabuka nawe ku Ijiputi.

1 Abamwene 20:11

U mwene u Ahabu akamula akati, “Mubuzye uti, ‘Umusilikali umwenecho weyuyo akwituvya nanti apota ubwite.’ ”

2 Abamwene 14:9

Loli u mwene u Yehowashi akamwamula akati, “Impanya iya mwivwa iya mu Lebanoni yikayitumila amazyu ikwi ilya mwale itali ilya mu Lebanoni ukuti, ‘Itikizya umwana wako ukuti abanje muchi uwa mwana wane.’ Po ichinyamana icha mu Lebanoni chikadumusannya palapala nukuyikanyankila bulo impanya iya mwivwa yila.

Ivyili 18:23

Abapina bakulaba, loli abakabi bakwamula mubukalale.

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Abalongi 5:23

“Uwantumi uwa Mwene akati, ‘Umughune u Melozi. Ubaghune nkani abantu babo bakwikala mulamula. Abene batakiza pakumwavwa u Mwene, pakumwavwa u Mwene pakulwa ubwite na basilikali abamaka.’

Abalongi 8:15

U Gidiyoni akaghabuzya amakambala agha mu Sukoti akati, “Ennya namulema u Zeba nu Zalimuna babo mukansamulilaghapo ukuti, ‘Fwandi umulemite kale u Zeba nu Zalimuna? Nkimba choni chicho tubape ivibama vimo abasilikali bako abalite?’ ”

Abalongi 8:5

Bo bafika mukaya akakulu aka Sukoti, u Gidiyoni akabalaba abantu aba mukaya mula akati, “Mubapeko abantu bane aba ivibama vimo. Abantu banaba balita nkani, indi pakumuchimbizya u Zeba nu Zalimuna, abamwene aba Midiyani.”