Bo u mwene uwa ba Mowabu ennya ukuti ubwite bwamupota, akabasenda abasilikali 700 babo bakaba na bapanga ukuti bapankule pakulwa nu mwene uwa ba Edomu, loli bakapotwa.
U Peka umwana uwa Lemaliya akabaghogha abasilikali aba mu Yuda 120,000 pisiku lyoka, pachifukwa ichakuti abantu aba mu Yuda bakamukana u Mwene u Chala uwa banyenya babo.
Aba Izilayeli bakabalema abachi 200,000 poka na bana abalumendo na balindu aba bakamu babo pakuba bakayidi. Bakafyula sona ivintu ivyinji nkani, nukunyokela navyo ku Samaliya.
Pisiku lilalila aba Benjamini bakababungannya poka abasilikali 26,000, aba mutwaya twabo utukulu, babo bakaba na abapanga, pakonjelezya pabasilikali 700 aba mu Gibeya.
Abalongozi aba inko zyosi izya ba Izilayeli bakiza kulukomano ulwa bantu aba Chala, sona pakabapo abasilikali abakwenda pasi 400,000, babo bakaba na bapanga.
Aba Midiyani bakizagha ni vitekwa vyabo ni visakasa ngati we kanta, umwakuti abantu bala bakaba basita ukubelengiwa, poka ni ngamila zyabo. Bakiza nukuchinangannya ichisu chila.