Abalongi 8:1 - IBAYIBOLO 2024

¹ Isiku limo aba Efulayimu bakamulalusya u Gidiyoni bakati, “Nkimba choni chicho utakatwitizya, bo ukubuka pakulwa ubwite naba Midiyani?” Po bakamuchemela nkani.

Abalongi 8:1 Iomraidhean Croise

2 Samuweli 19:41

Po aba Izilayeli bosi bakiza kwa mwene nukumulalusya ukuti, “Nkimba choni chicho abakamu bitu, abaluko ulwa Yuda bakamwiba u mwene na bamunyumba yache, poka na bantu bache nukwiza nawe kwisila ilya Yolodani?”

2 Samuweli 19:42

Abaluko ulwa Yuda bosi bakabamula aba Izilayeli bakati, “Aswe tukabomba bunubu pachifukwa ichakuti u mwene we mukamu witu umwenecho. Nkimba choni chicho mwakalala? Fwandi tukalyapo ivintu ivya mwene? Nkimba u mwene atupiyepo muvwalo ghumo?”

Yobu 5:2

Ubukali bukumughogha umuntu umupunganu, sona akabini kakumunangannya umuntu umusita amahala.

Ivyili 15:1

Ukwamulila mubufisalyoyo kukuzimya ubukali, loli ukwamula mwalwemwalwe kukunyamusya ubukali.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Hoseya 13:1

Bo u Efulayimu anena, abantu bakatetema, bakamukwezya nkani u Izilayeli. Loli akananga pachifukwa icha kumwiputa u Baala, po akafwa.

Abalongi 8:2

Loli u Gidiyoni akabamula akati, “Napapo mwakaba pakwiza, amwe mwabomba ivikulupo ukunchila. Ivintu vivyo amwe mwabomba mwe ba Efulayimu vikulupo ukuchila vivyo abaluko lwane ulwa Abiyezeli babomba.