Abalongi 7:9 - IBAYIBOLO 2024

⁹ Ubusiku bulabula u Mwene akamubuzya u Gidiyoni akati, “Lamusya, kalwe ubwite naba Midiyani muvisakasa vyabo, pakuti nababika munyobe zyako.

Abalongi 7:9 Iomraidhean Croise

2 Imbili 20:17

Amwe mutakwiza pakulwa ubwite bunubu. Loli mubambe bulo sona mujimbaye ukuti mwennye namumo u Mwene akwiza pakubapokela, mwe bantu aba mu Yuda naba mu Yelusalemu. Mutakanyilaye pamo ukuwa amaka. Indabi bukagha bulo pakukomana nabo, po u Mwene akwiza pakuba namwe.’ ”

Yobu 4:13

Pabusiku ichilota chikantamya nkani, bo abantu bali mutulo utwa kufwa nato.

Matayi 1:20

Bo akwinong'ona zinizi, uwantumi uwa Mwene akamwizila muchilota nukuti, “Wee Yosefu, uwaluko ulwa Devedi, utakanyilaye pakumusenda u Maliya pakuba muchi wako, pakuti ulwanda lulo ali nalo lwa Muzimu Umuzelu.

Matayi 2:13

Bo babuka, uwantumi uwa Mwene akamubonekela u Yosefu muchilota nukumubuzya ukuti, “U Helodi akwiza pakulonda ukuti amughoghe umwana. Nyamuka musende umwana nu nyina nukuchimbilila kuchisu icha Ijiputi. Wikale kunuko mupaka nkubuzye ukuti wepeko.”

Imbombo 27:23

Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane,

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

Yoshwa 11:6

U Mwene akamubuzya u Yoshwa akati, “Utakabanyilaye, pachifukwa ichakuti pakabalilo kanaka indabi nkwiza pakubabika bosi munyobe izya ba Izilayeli ukuti babaghoghe. Muzidumule inkole izya vinama ifalasi zyabo, sona zyope ingolo zyabo muzyoche.”

Yoshwa 2:24

Bakamubuzya u Yoshwa yula bakati, “Naloliloli u Mwene atupiye ichisu chosi chinichi. Abantu bosi kulakula bakutunyila nkani.”

Abalongi 20:28

sona u Finehasi umwana uwa Eleyazala, u mwana uwa Aloni akaba weyuyo akenelezyanga. Bakalalusya bakati, “Nkimba tubukaye sona pakulwa ubwite na bakamu bitu aba Benjamini, pamo awe?” U Mwene akamula akati, “Bukagha, pakuti indabi nkwiza pakubabika munyobe zyinyu.”

Abalongi 3:10

Umuzimu uwa Mwene ghukamwikila u Otiniyeli, umwakuti akaba mulongi uwa ba Izilayeli. U Otiniyeli yula akabuka pakulwa ubwite, po u Mwene akamupota nukumubika u mwene wamu Mesopotamiya munyobe zyache.

Abalongi 3:28

U Ehudi akabalamula aba Izilayeli bala akati, “Munkonke pakuti u Mwene ababika abalwani binyu aba Mowabu munyobe zyinyu.” Po bakamukonka u Ehudi nukufyula amaloboko agha lusoko ulwa Yolodani, sona batakamwitikizyapo nayumoyumo umuntu ukuti aloboke.

Abalongi 7:10

Nanti ukunyila pakulwa nabo ubwite, bukagha poka nu wambombo wako u Pula

Abalongi 7:8

Po u Gidiyoni akababwezya aba Izilayeli abanji bosi bala, loli abantu 300 bakasyalikila poka nawe, nukusenda ivyakulya na mapati agha bantu babo bakabwela. Pakabalilo kalakala aba Midiyani bakazenga ivisakasa vyabo muntende mwikombe.

1 Samuweli 14:8

Po u Yonatani akamubuzya akati, “Twende tulobokele ku bantu bala, sona twilanjizye kukwabo.

1 Samuweli 23:4

U Devedi akamubuzikizya sona u Mwene, po u Mwene akamwamula akati, “Bukagha ku Keyila, pakuti nkwiza pakubabika aba Filisiti munyobe zyako.”