Abalongi 7:8 - IBAYIBOLO 2024

⁸ Po u Gidiyoni akababwezya aba Izilayeli abanji bosi bala, loli abantu 300 bakasyalikila poka nawe, nukusenda ivyakulya na mapati agha bantu babo bakabwela. Pakabalilo kalakala aba Midiyani bakazenga ivisakasa vyabo muntende mwikombe.

Abalongi 7:8 Iomraidhean Croise

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Aba Levi 23:24

“Ubabuzye aba Izilayeli uti, ‘Pisiku ilyakwanda ilya mwezi uwaseveni libanje lisiku ilyakutuzya, isiku ilipaghuliwa ilya chiputo, sona bo mukulizya amapati.

Aba Levi 25:9

Po pisiku ilya 10 ilya mwezi uwaseveni, pisiku ilyakupepesezya imbibi, mulizyanje amapati muchisu chinyu chosi.

Ukubelengiwa 10:9

Bo mukulwa ubwite na balwani binyu muchisu chinyu, babo bakubayivya, mulizyanje amapati aghakubasoka abantu, po u Mwene u Chala winyu akwiza pakubapoka munyobe izya balwani binyu.

1 Aba Kolinti 15:52

Chikwiza pakubombiwa umwakuchenusya bulo ngati kukapizya ukwa lyiso, bo ipati ilyabumalilo likulila. Pakuti bo ipati likulila, abantu abafwe bakwiza pakuzyuka na mabili ghagho ghatakubola, sona aswe tukwiza pakwanduliwa.

Yoshwa 6:20

Abaputi bala bakalizya amapati ghabo, po bo abantu bivwa ichongo icha mapati, sona bo abantu bakolomoka nkani, panapo na panapo ulupaso ulwa kaya akakulu nkani kala lukamongoka, umwakuti abasilikali bosi bakinjila mukaya mula nukukafyula.

Yoshwa 6:4

Abaputi seveni balongolele kuntazi ukwa Bokosi ilya Lufingo, bo umuntu wesi anyamuye ipati ilya lupembe ulwadubi munyobe yache. Pisiku ilyaseveni, mukazyungulile akaya akakulu nkani kala akaseveni, bo abaputi bakulizya amapati ghabo.

Abalongi 3:27

Bo afika muchisu icha mumaghamba icha Efulayimu, akalizya ipati, ukubitizya aba Izilayeli pakulwa ubwite. Po akabalongolela pakwika pighamba.

Abalongi 6:33

Aba Midiyani, naba Amaleki bosi, sona na bantu abakubufumilo bwizuba bakapanga akabukatila koka nukuloboka ulusoko ulwa Yolodani pakuzenga ivisakasa vyabo mwikombe ilya Yezileli.

Abalongi 7:7

U Mwene akamubuzya u Gidiyoni akati, “Nkwiza pakukupoka nukubabika aba Midiyani munyobe zyako pakubombezya abantu 300 banaba, babo bakakapila bulo. Loli ubabwezye abantu abanji bosi, umuntu wesi kunyumba yache.”

Abalongi 7:9

Ubusiku bulabula u Mwene akamubuzya u Gidiyoni akati, “Lamusya, kalwe ubwite naba Midiyani muvisakasa vyabo, pakuti nababika munyobe zyako.