Abalongi 7:22 - IBAYIBOLO 2024

²² Bo abantu 300 bala balizya amapati ghabo, u Mwene akabavulungannya abalwani babo umwakuti bakanda pakulwa benebene pakubombezya upanga. Abasilikali bala bakachimbilila ku Beti Shita kupipi nakaya aka Zelela mupaka kumpaka iya Abeli Mehola papipi nu Tabati.

Abalongi 7:22 Iomraidhean Croise

1 Abamwene 4:12

U Baana umwana uwa Ahiludi akenelezyanga muchisu icha Tanaki na mu Megido sona ni chisu chosi ich Beti Shani chicho chikapalamana ni chisu icha Zaletani muntende muchisu icha Yezileli, mupaka ku Abeli Mehola, nukulobokela ku Yokomeyamu.

2 Imbili 20:23

Aba Amoni, naba Mowabu bakabasambukila abantu aba kwighamba ilya Seyili pakubaghogha bosi. Bo bamala pakubaghogha abantu aba mu Seyili, bakanda pakughoghana benebene.

1 Abamwene 19:16

Sona umupakazye amafuta u Yehu umwana uwa Nimishi ukuti abanje we mwene uwa ba Izilayeli, umupakazye sona nu Elisha umwana uwa Shafati uwamu Abeli Mehola ukuti akupyane pakuba mulaghuzi.

Yoshwa 6:20

Abaputi bala bakalizya amapati ghabo, po bo abantu bivwa ichongo icha mapati, sona bo abantu bakolomoka nkani, panapo na panapo ulupaso ulwa kaya akakulu nkani kala lukamongoka, umwakuti abasilikali bosi bakinjila mukaya mula nukukafyula.

Yesaya 19:2

“Po nkwiza pakuvundumuzya aba Ijiputi ukuti balwanje naba Ijiputi abamwabo uwamwabo akwiza pakulwanga nu wamwabo, umupalamani nu mupalamani, akaya akakulu nkani nakaya akanji, ubumwene nu bumwene ubunji.

Yesaya 9:4

Pakuti ukapyola ikoli lilyo likabang'wamila, sona ni ndisa yiyo yikukoma pavimpunko vyabo, wazipota inko zizyo zikabayivya nukubanangannya abantu bako, ngati mumo ukabapotela abasilikali aba Midiyani.

Masalimo 83:9

Ubabombelaye zizyo ukababombela aba Midiyani, nu Sisela sona nu Yabini pa lusoko ulwa Kishoni,

Yoshwa 6:16

Bakakazyungulila akaya akakulu nkani kala akaseveni, bo abaputi bala bakulizya amapati ghabo, po u Yoshwa akabalamula abantu bala akati, “Kolomokagha! U Mwene akabika akaya akakulu nkani kanaka munyobe zyinyu.

Yoshwa 6:4

Abaputi seveni balongolele kuntazi ukwa Bokosi ilya Lufingo, bo umuntu wesi anyamuye ipati ilya lupembe ulwadubi munyobe yache. Pisiku ilyaseveni, mukazyungulile akaya akakulu nkani kala akaseveni, bo abaputi bakulizya amapati ghabo.

2 Aba Kolinti 4:7

Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe.

1 Samuweli 18:19

Loli bo akabalilo kakwana akakuti u Devedi asendane nu Melabu, mubuzilo bwache uwise akamupa u Adiliyeli uwaku Mehola ukuti abanje muchi wache.

Ezekiyeli 38:21

U Mwene Uwamaka Ghosi akuti: Nkwiza pakumunyamusizya u Gogi ubwite pamaghamba ghane ghosi, abantu bakwiza pakughoghana benebene.

Habakuku 3:14

Ni mpalala yache ukamulasa kumutu, bo abasilikali bache abamaka biza ngati we kankungu pakutunyampannya. Bakituvyanga ngati bantu babo bakulonda pakubalya abantu babo bakuyiviwa.

Hagayi 2:22

Nkwiza pakubawisya abamwene aba inko izinji na maka agha bumwene bwabo. Nkwiza pakuzing'anamulannya ingolo zyabo poka nabakwendezya babo, ni falasi sona naba kukwelapo babo nukughamala amaka agha inko injeni. Ifalasi zikwiza pakufwa, sona bope abakukwelapo bakwiza pakughoghana, umuntu wesi nupanga uwa mukamu wache.’

Yoshwa 3:16

amizi ghakaleka pakwenda nukwima ngati lubumba ulutali, ukwandila kukaya aka Adamu mupaka kukaya akakulu aka Zaletani, bo amizi aghakwika ku Nyanja Imfwe ghakalundinkana. Po abantu bakalobokagha ulusoko kupipi nakaya akakulu nkani aka Yeliko.

Yesaya 9:3

Wayikuzya inko nukubalizya ulusekelo, bakusekela pamaso papako, ngati mumo abantu bakusekelela pakabalilo aka nyinulo, sona ngati mumo abantu bakusekelela, bo bali pakugabana ivyakufyula.

Zekaliya 14:13

Pisiku lilalila u Mwene akwiza pakubavulungannya abantu nubogha, umuntu wesi akwiza pakuyilema inyobe iya muntu uyunji nukwanda pakulwa.