Abalongi 7:16 - IBAYIBOLO 2024

¹⁶ U Gidiyoni akabagaba abantu 300 bala mutubukatila tutatu, nukumupa umuntu wesi ipati ni sonta, yiyo yikaba ni chikoka mukasi.

Abalongi 7:16 Iomraidhean Croise

Ubwandilo 14:15

Bo bafika kula, u Abulamu akabagabannya abantu bache bala mutubukatila, po bakalwa nabo ubwite nubusiku mupaka nukubapotela zila. Akabachimbizya mupaka mukaya aka Hoba, kumitu ukwa Damasika.

2 Samuweli 18:2

U Devedi akabatuma abasilikali babo bakaba mutubukatila tutatu, u Yowabu akaba we songo uwa kabukatila koka, u Abishayi umwana uwa Zeluya umuzuna uwa Yowabu, akaba we songo uwa kabukatila akabubili, sona u Itayi umu Giti akaba we songo uwa kabukatila akabutatu. U mwene akababuzya abasilikali bala akati, “Nane nkwiza pakubuka poka namwe.”

2 Aba Kolinti 4:7

Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe.

Abalongi 7:15

Bo u Gidiyoni ivwa ichilota chila sona ni ching'anamulo chache, akamwiputa u Chala. Akanyokela kuvisakasa ivya ba Izilayeli nukubabuzya ukuti, “Nyamuka! U Mwene ababika aba Midiyani munyobe zyinyu.”

Abalongi 7:17

Akababuzya akati, “Munyennyanje, sona mubombaye ngati mumo nkubombela. Nanti nafika kubumalilo ubwa visakasa, namwe bulo mubombaye vivyo nkubomba.

1 Samuweli 11:11

Indabi yache u Sabuli akabagaba abantu bache mutubukatila tutatu, po kubuche bakinjila muvisakasa ivya ba Amoni nukubaghogha mupaka pamusanya. Abantu babo bakapona bakanyampana, umuntu wesi akachimbilagha pamwene.