Abalongi 6:9 - IBAYIBOLO 2024

⁹ Nkabapoka munyobe izya ba Ijiputi, sona na munyobe izya bantu bosi babo bakabayivya. Nkabachimbizyamo muchisu chila pamaso papinyu, po nkabapa amwe ichisu chabo.

Abalongi 6:9 Iomraidhean Croise

Masalimo 105:43

Akabefya abantu bache nulusekelo abasaliwa bache bakwimba nukusekela nkani.

Masalimo 136:24

Po akatupoka kubalwani bitu. Ulughano lwache lwa bwila na bwila.

Ukufuma 33:2

Nkwiza pakumutuma uwantumi wane pantazi papinyu pakubachimbizyamo aba Kenani naba Amoli naba Hiti naba Pelezi naba Hivi sona naba Yebusi.

Abalongi 6:10

Nkababuzya nkati, ‘Ane ne Mwene u Chala winyu. Mutakabiputaye abachala aba ba Amoli muchisu chicho mukwikalamo.’ Loli amwe mutakanteghelezya.”

Abalongi 6:8

u Mwene akabatumila umulaghuzi, yuyo akati, “U Mwene u Chala uwa ba Izilayeli ati, ‘Nkabefya mubuzya mu Ijiputi.’

1 Samuweli 10:18

po akababuzya akati, “U Mwene u Chala uwa Izilayeli ati, ‘Nkabefya aba Izilayeli mu Ijiputi, nukubapoka munyobe izya ba Ijiputi, sona nizya bamwene bosi babo bakabakanyilila.’