Abalongi 6:3 - IBAYIBOLO 2024

³ Akabalilo kosi nanti aba Izilayeli babyala imbeyu, aba Midiyani naba Amaleki poka na bantu abakubufumilo bwizuba bakizagha nukulwa nabo ubwite.

Abalongi 6:3 Iomraidhean Croise

Ubwandilo 25:6

Loli bo u Abulahamu achili mumi, akabapa ivyabupi abana bache babo akapapa na bachi bache abazya abanji bala. Akabefyapo bosi pamaso pa Yisaki nukubatuma pakwikala kuchisu icha kubufumilo bwizuba.

Ubwandilo 29:1

U Yakobo akendelela nu bulendo bwache nukufika kuchisu icha bantu abakubufumilo bwizuba.

1 Abamwene 20:27

Aba Izilayeli bope bakababungannya poka abasilikali babo, nukubuka pakulwa ubwite. Loli aba Izilayeli bakabonekagha bulo ngati po tudimo tubili utwa mbuzi, bo aba Siliya basatite posi na posi muchisu chila.

1 Abamwene 4:30

U Solomoni akabachila amahala abantu bosi abakubufumilo bwizuba, pamo abantu bosi abamahala aba mu Ijiputi.

1 Abamwene 5:10

Bunubu u Hilamu akamupa u Solomoni amakwi agha mwale nagha payini, ghagho u Solomoni akaghalondagha,

Yobu 1:3

Akaba sona ni ng'ozi 7,000 ni ngamila 3,000 ni nkambaku izya kulima 1,000 ni mpunda 500 sona akaba na bambombo abinji nkani. Akaba mukabi nkani ukubachila abantu bosi aba muvyisu ivya kubufumilo bwizuba.

Yobu 31:8

Po abanji balyanje vivyo napesa, sona zyope imbeyu zyane zinyunkuliwanje.

Ukufuma 17:8

Aba Amaleki bakiza pakulwa ubwite naba Izilayeli pa Lefidimu.

Yesaya 11:14

Bakwiza pakubanyelela aba Filisiti kubwinjililo bwizuba, po bosi poka bakwiza pakubafyula ivintu abantu abakubufumilo bwizuba. Bakwiza pakubika inyobe zyabo paba Edomu nu Mowabu, aba Amoni bakwiza pakubalambila.

Yesaya 62:8

U Mwene alapa ni nyobe yache indilo, sona ni nyobe yache iyamaka ukuti, “Ntakwiza pakukupa sona ingano, pakuba chakulya icha balwani bako, abayeni batakwiza pakung'wela sona uvinyo umupya, yuyo akwiyula nkani pakubomba.

Yelemiya 49:28

Pakunena nizya Kedali sona nizya bumwene ubwa Hazoli, bubo u Nebukadineza u mwene uwa Babiloni akabupota. U Mwene akati, “Nyamuka nukulwa nu Kedali, sona mubanangannye abantu abakubufumilo bwizuba.

Ezekiyeli 25:3

Babuzye aba Amoni ukuti, ‘Ivwa amazyu agha Mwene Uwamaka Ghosi pachifukwa ichakuti mukati: “Eya!” bo mwennya ukuti ubuzilo bwane ubuzelu bwanyaziwa, ichisu icha Izilayeli chikananganika, po abantu aba mu Yuda bakubuka kubuzya,

Ezekiyeli 25:4

polelo nkwiza pakukubika munyobe izya bantu abakubufumilo bwizuba ukuti babanje mpyana yinyu. Bakwiza pakuzenga ivisakasa vyabo pakasi papinyu, bakwiza pakulya ivikomwa vyinyu nukung'wela ulukama lwinyu.

Aba Levi 26:16

nkwiza pakubafunda. Nkwiza pakubawisizya iviwaya ivyakunyomosya nu bubine bubo bute na malembo, ni zekema iyakunangannya amaso, sona ni yakughamala bulo amabili ghinyu. Mukwiza pakubyala imbeyu, loli mutakwiza pakwinulamo nazimo, pachifukwa ichakuti abalwani bakwiza pakuzilya.

Mika 6:15

Ukwiza pakubyala loli utakwiza pakwinula. Ukwiza pakukanyankila imisyunguti, loli utakwiza pakubombezya wemwene amafuta ghanagha. Ukwiza pakukanyankila amampesya loli utakwiza pakung'wela uvinyo.

Ukukumbusya Amalamulo 28:51

Bakwiza pakubalyela ing'ombe zyinyu, sona ni vya mumaghunda ghinyu mupaka mufwe nizala. Batakwiza pakubalekela nachimochimo ichintu manyi ngano, manyi we vinyo umupya, manyi mafuta agha misyunguti manyi ng'ombe manyi ng'ozi mupaka mufwe mwebosi.

Abalongi 10:12

Nizya ba Sidoni nizya ba Amaleki sona nizya ba Mawoni pakabalilo kako mukandilila ukuti imbavwe, bo bakubayivya nkani, nkimba intakabapoka munyobe zyabo?

Abalongi 3:13

U Egiloni akababungannya aba Amoni, poka naba Amaleki nukubapota aba Izilayeli, sona bakafyula akaya akakulu nkani aka mabale.

Abalongi 6:2

Aba Midiyani bakaba bantu abamaka nkani ukubachila aba Izilayeli, umwakuti aba Izilayeli bakavwamagha mumpako nukuzenga amalinga mumaghamba.

Abalongi 6:33

Aba Midiyani, naba Amaleki bosi, sona na bantu abakubufumilo bwizuba bakapanga akabukatila koka nukuloboka ulusoko ulwa Yolodani pakuzenga ivisakasa vyabo mwikombe ilya Yezileli.

Abalongi 6:4

Bakazengagha ivisakasa vyabo muchisu chila, nukunangannya imbeyu zyosi mupaka ku Gaza. Bakasenda ing'ozi ni ng'ombe ni mpunda zyosi, sona batakabalekela aba Izilayeli ichintu nachimochimo.

Abalongi 7:12

Aba Midiyani, naba Amaleki, poka na bantu abanji bosi abakubufumilo bwizuba bakazenga ivisakasa vyabo mwikombe. Abantu banaba bakasata bulo ngati we kanta, sona ingamila zyabo zikaba sita kubelengiwa ngati musesenga uwa mulubazu ulwanyanja.

Abalongi 8:10

U Zeba nu Zalimuna bakaba mu Kalikoli, poka na basilikali babo 15,000, abasilikali bosi abakubufumilo bwizuba, babo bakapona kubwite, pakuti abasilikali 120,000 bakafwa kubwite bula.