Abalongi 6:12 - IBAYIBOLO 2024

¹² Palapala uwantumi uwa Mwene akamubonekela u Gidiyoni nukuti, “U Mwene ali nawe, we muntu umujimvu sona nu wamaka.”

Abalongi 6:12 Iomraidhean Croise

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Luka 1:11

Uwantumi uwa Mwene akamubonekela, akimilila kunyobe indilo iya chighemo, papo ivyakununkila vikochiwanga.

Luka 1:28

Uwantumi yula akiza pakumulamuka nukuti, “Mwaghona! U Mwene ali nawe, sona akusayite nkani!”

Ukukumbusya Amalamulo 20:1

Nanti mukubuka pakulwa ubwite na balwani binyu, nukwennya ukuti abalwani binyu bali ni falasi ni ngolo izya bwite inyinji, sona abasilikali babo binji nkani ukubachila, mutakabanyilaye. Pakuti u Mwene u Chala winyu, yuyo akabefyamo mu Ijiputi, akwiza pakuba namwe.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Abalongi 11:1

U Yefuta umu Giliyadi akaba musilikali umujimvu nkani. Uwise akaba we Giliyadi, unyina akaba we malaya.

Abalongi 13:3

Uwantumi uwa Mwene akamwizila umukolo yula nukumubuzya ukuti, “Wee mukolo, awe we mughumba, loli ukwiza pakumela ulwanda nukupapa umwana umulumendo.

Abalongi 2:18

Akabalilo kosi nanti u Mwene akubimikila umulongozi, u Mwene akaba nawe nukubapoka munyobe izya balwani babo, bo umulongozi yula mumi. U Mwene akaba nabo ni chililizi, bo bakukoloma pachifukwa icha bantu babo bakabavwimagha nukubayivya.

Abalongi 6:11

Uwantumi uwa Mwene akika nukwikala mukazundila mwikwi ilya mupandapanda, mukaya aka Ofula lilyo likaba lya Yowashi umu Abiyezeli. Kulakula umwana uwa Gidiyoni akakomagha ingano mubuzilo ubwakufinyilamo amampesya, bo avwamite umwakuti aba Midiyani batakamwennye.

Abalongi 6:13

U Gidiyoni akamula akati, “Wee mwene wane, loli nanti u Mwene ali naswe, nkimba choni chicho ivintu vyosi vinivi vyatuwila? Nkimba vili ko kwiyi iviswigho vyosi vivyo abanyenya bitu bakatubuzya bo bakuti, ‘Nkimba te wewe Mwene we ukatwefyamo mu Ijiputi?’ Loli ilelo u Mwene atulekite nukutubika munyobe izya ba Midiyani.”

Luti 2:4

Panapo na panapo u Bowazi akafuma mu Betelehemu, po akafika kumughunda wache nukubalamuka abinuli bala ukuti, “U Mwene abanje namwe.” Bakamwamula bakati, “U Mwene akusaye.”

1 Samuweli 10:7

Nanti ivimanyilo vinivi vyakwanilisiwa, bomba bulo chosi chicho ubaghiye pakubomba, pakuti u Chala ali nawe.