Abalongi 6:10 - IBAYIBOLO 2024

¹⁰ Nkababuzya nkati, ‘Ane ne Mwene u Chala winyu. Mutakabiputaye abachala aba ba Amoli muchisu chicho mukwikalamo.’ Loli amwe mutakanteghelezya.”

Abalongi 6:10 Iomraidhean Croise

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Abamwene 17:33

Bakamwiputagha u Mwene, loli bakababombelagha sona abachala babo ukuyana ni nyiho izya inko izya kuko bakalemiwa pakuba bazya.

2 Abamwene 17:7

Zyosi zinizi zikabombiwa pachifukwa ichakuti aba Izilayeli bakananga pamaso pa Mwene u Chala wabo, yuyo akabapoka munyobe izya Falabo nukubefyamo mu Ijiputi. Aba Izilayeli bakabachindikagha abachala abanji,

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Ukufuma 34:12

Muchebaye nkani ukuti mutakafinge ulufingo na bantu aba muchisu chicho mukubukako pakuti bangaba chipingo pakasi papinyu.

Ukufuma 34:14

Mutakabiputaye abachala abanji, pakuti ane ne Mwene yuyo itabwa lyane ne Buzuba, naloli ne Chala uwa buzuba.

Ivyili 5:13

Intakabivwilagha abamanyisi bane pamo ukubateghezya babo bakampanga amahala.

Yelemiya 10:2

U Mwene akuti, “Mutakazikonkaye izila izya inko izinji, pamo pakutetema ni viswigho ivya mumwanya, napapo inko izinji zikutetema navyo.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 42:21

Ilelo nababuzya amazyu ghosi ghagho u Mwene u Chala winyu akambuzya ukuti imbabuzye, loli mwaghakana.

Yelemiya 43:4

Po u Yohanani umwana uwa Kaleya sona na balongozi bosi aba basilikali na bantu bosi bakakana pakukonka ilamulo ilya Mwene ilyakuti bikalaye muchisu icha Yuda.

Yelemiya 43:7

Bakinjila mu Ijiputi pachifukwa icha kulisulannya ilamulo ilya Mwene nukubuka mupaka ku Tapanesi.

Yelemiya 9:13

U Mwene akamula akati, “Pachifukwa ichakuti abantu batazikonkite indaghilo zyane zizyo nkabapa sona bazikanite indaghilo zyane nu bumanyisi bwane.

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Aba Loma 10:16

Loli bate bantu bosi babo bakapokela Amazyu Amiza. Umulaghuzi u Yesaya akati, “Mwene, wewenu akasubila amazyu ghagho tukalumbilila?”

Aba Hebeli 5:9

Bo aba wakufikapo, akaba mbwibwi iya bupoki ubwa bwila na bwila ubwa bantu bosi babo bakumwivwila.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Abalongi 2:2

Po namwe bulo mutakafinganaye nalumo ulufingo na bantu aba muchisu chinichi. Loli mumongolannye ivighemo vyabo vyosi.’ Pope bulo amwe mutakanyivwila, awe. Nkimba choni chicho mwabomba bunubu?

Abalongi 6:9

Nkabapoka munyobe izya ba Ijiputi, sona na munyobe izya bantu bosi babo bakabayivya. Nkabachimbizyamo muchisu chila pamaso papinyu, po nkabapa amwe ichisu chabo.