Abalongi 5:9 - IBAYIBOLO 2024

⁹ Umoyo wane ghuli pa basongo aba basilikali ababwite aba Izilayeli, nkubinong'onela nkani abantu babo bakiyipa bene. U Mwene apaliwanje!

Abalongi 5:9 Iomraidhean Croise

1 Imbili 29:9

Po abantu bosi bakahoboka nkani pachifukwa ichakuti abalongozi babo bakabika kwa Mwene umwakwiyipa na moyo ghosi. Wepe u mwene u Devedi akahoboka nkani.

2 Imbili 17:16

Uwabutatu akaba we Amasiya umwana uwa Zikili, yuyo akiyipa bulo pakumubombela u Mwene. U Amasiya akaba poka na basilikali 200,000.

2 Imbili 31:8

Bo u Hezekiya na makambala ghache biza nukwennya ivibunga vila, bakamupala u Mwene, po akabasaya abantu bache aba Izilayeli.

Nehemiya 11:2

Abantu bala bakabapala abantu bosi babo bakitika pakwikala mu Yelusalemu mubwighane bwabo.

Masalimo 103:2

Wee moyo wane, umupalaye u Mwene, utakaluvyanje ivyiza vyache vyosi.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

2 Aba Kolinti 8:17

Pakuti atakabomba zyene zizyo tukamulaba, awe, loli akabomba nukulonda kwache ukukulu nkani, umwakuti mubwighane ubwache nu bwache akadumula ukuti ize kukwinyu.

2 Aba Kolinti 9:5

Po nkinong'ona ukuti chakulondiwa pakubalambilizya abakamu aba pakubendela tasi nukuyanizya zila ivyabupi vivyo mukalayizya. Po ivyabupi vila vikwiza pakuba ukuti viyaniziwe kale pakuba vyabupi, bo nkwiza, vite vyabupi ivyakufyengiwa bulo, awe.

Abalongi 5:2

“U Mwene apaliwanje! Aba Izilayeli bakaba nu lweke pakulwa ubwite, naloli abantu bakiyipa.