Abalongi 5:6 - IBAYIBOLO 2024

⁶ “Mumasiku agha Shamugali umwana uwa Anati, mumasiku agha Yaweli, abendezya ingolo batakadumusannyanga muchisu chinichi. Abendazila bakapambata bulo izila.

Abalongi 5:6 Iomraidhean Croise

2 Imbili 15:5

Mumasiku ghalaghala umuntu wesi yuyo akepaghamo pamo ukwinjilamo atakaba nu mutende, pakuti abene chisu bakaba muntamyo inkulu nkani.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Yesaya 33:8

Mumisebo imikulu muli bulo myee, nayumo umuntu uwakwendamo. Ulufingo lwananganika, abakaboni bache basamuliwa, atalipo nayumo yuyo achindikiwe.

Yelemiya 6:25

Mutakabukaye ku maghunda, pamo pa kwenda mumisebo, pakuti u mulwani ali nupanga, sona ubogha buliko kosi.

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Nkuto 4:18

Bakakonkezyanga inyayo zyitu ngati zyo mbwa, umwakuti tutakendagha na mumusebo bulo. Po amasiku ghitu ghakamala kale, sona bope ubumalilo bwitu bwafika.

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Abalongi 3:31

Bo u Ehudi afwa, u Shamugali umwana uwa Anati akapyana pabumwene, yuyo akabaghogha aba Filisiti 600 ni ndisa iyakusyempela ing'ombe. Po wepe akabapoka aba Izilayeli.

Abalongi 5:7

Mutwaya utwa Izilayeli abantu bakachimbilamo, utwaya tunutu tukaba visami mupaka papo awe Debola ukiza, ukafika ngati we mayi mu Izilayeli.