Abalongi 5:12 - IBAYIBOLO 2024

¹² ‘Lamusya! Debola, lamusya! Longolela! Imba ulwimbo, longolela! Endelela we Balaki, umwana uwa Abinowamu, longozya abantu bako babo ukabalema kubwite!’

Abalongi 5:12 Iomraidhean Croise

Masalimo 108:2

Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 57:8

Wee moyo wane, nyamuka! Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 57:9

Wee Mwene nkwiza pakupalizya pakasi pabantu aba inko izinji, sona nkwiza pakukwimbila inyimbo pakasi pa inko zyosi.

Masalimo 68:18

Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Yesaya 14:2

Inko izinji zikwiza pakubavwa aba Izilayeli pakunyokela mubuzilo ubwabo nu bwabo. Inko inyinji zikwiza pakumubombela u Izilayeli, ngati bambombo abanavuli naba mbombo abakolo muchisu icha Mwene. Babo bakabalema aba Izilayeli bakwiza pakulemiwa pakuba bazya, nukubalaghila babo bakabayivyanga.

Yesaya 33:1

Chighune kukwako we mughoghi, we utananganikitepo! Wee muzimbuli, chighune kukwako, nayumo yuyo atakuzimbuyepo nalumo. Nanti wamalizya pakunangannya, nawe bakwiza pakukunangannya, nanti waleka ubuzimbuli, nawe bakwiza pakukubombela izya buzimbuli.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Yelemiya 31:26

Nkalamusya mutulo nukutalankannya po nkazyaghannya ukuti name mutulo utunonu nkani.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

Aba Efeso 4:8

Amasimbo ghakuti, “Bo akukwela kumwanya, akasenda akabukatila aka bakayidi abinji nukukwela nabo, sona akabapa abantu ivyabupi.”

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

2 Timoti 2:26

Po amahala ghabo ghakwiza pakunyokelamo nukupona ichipingo icha Satana, yuyo abalemite nukubapela ukuti babombaye ubwighane bwache.

Abalongi 5:13

“Po abantu babo bakapona kubwite, bakiza ku balongozi babo. Abantu aba Mwene bakiza pamaso papache pakumulwila ubwite.