Abalongi 5:11 - IBAYIBOLO 2024

¹¹ Teghelezya ichongo icha bimbi paviziba ivya mizi. Bakubapangila abanji nizya ubupoti ubwa Mwene, nizya ubupoti ubwa ba Izilayeli. “Po abantu aba Mwene bakabungana kulakula, abakufuma mutwaya twabo utukulu nkani.

Abalongi 5:11 Iomraidhean Croise

Ubwandilo 24:11

Bo afika, akazifughamizya ingamila papipi ni chiziba kuzi ukwa kaya kalakala. Pakaba pachamabwila nkani pakabalilo kako abakolo bakizagha pakusemba amizi.

Ubwandilo 29:2

Kulakula akachennya ichiziba mumughunda poka ni midimo mitatu iya ng'ozi zilambalaye papipi nacho pachifukwa ichakuti ing'ozi zila zikang'welagha palapala. Ichiziba chila chikighaliliwa nibwe ikulu nkani.

Ubwandilo 29:3

Bo ing'ozi zyosi zyabungana palapala, abadimi bakalibungulusizya ibwe kulubazu ukuti ing'ozi zyabo zing'wele amizi. Po bo zyang'wela bakalibungulusizya sona papo.

Yobu 29:7

Bo nabuka pamulyango uwa kaya akakulu nkani nukwikala pabuzilo bubo bakabunganaghapo

Masalimo 145:7

Bakwiza pakusekela pachifukwa icha bwiza bwako, nukwimba inyimbo umwakuhoboka, pachifukwa icha bugholosu bwako.

Masalimo 71:15

Umulomo wane ghukwiza pakubapangila abanji nizya bugholosu bwako, sona nizya bupoki bwako isiku lyosi akabalilo kosi, napapo bukulu nkani ukuchila akivwisizye kane.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 28:6

Weyuyo akwiza pakuba mulongi uwabugholosu, akwiza pakubapa amaka abantu babo bakulonga, sona na basilikali babo bakulindilila pamilyango,

Yelemiya 7:2

“Imilila pamulyango uwa Nyumba iya Mwene nukulumbilila amazyu aghakuti, ‘Ivwa amazyu agha Mwene mwe bantu bosi aba mu Yuda mwe mukwinjila pamilyango iyi pakumwiputa u Mwene.

Nkuto 5:4

Tukughulagha amizi ghagho tukung'wela. Zyope inkwi izyakupembela umoto tughulaye.

Nkuto 5:9

Pakuchagha ichakulya tukukomanagha nu bupalapala nkani, pachifukwa icha babo bakubaghogha abanji munkolongo.

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Ukukumbusya Amalamulo 22:24

mubasendele bosi babili kuzi ukwa kaya akakulu nukubaghogha pakubasumba na mabwe. Umulindu yula aghoghiwanje pachifukwa ichakuti atakakolomoka ukuti abantu bamwavwe. Umwanavuli aghoghiwanje pachifukwa ichakuti alowa nu muchi uwa muntu. Bunubu mukwiza pakwefya ububibi pakasi papinyu.

Ukukumbusya Amalamulo 33:21

Akisalila mwene ichisu ichiza nkani ukuti chibanje chache, ichigaba icha mulongozi chikapeghiwa kukwache. Bo abalongozi aba Izilayeli babungana poka, u Gadi akabomba zizyo u Mwene akalondagha.”

Abalongi 11:40

ulwakuti abana abalindu aba ba Izilayeli bakabukagha pakumulila umwana uwa Yefuta umu Giliyadi amasiku folo umwaka nu mwaka.

Abalongi 5:8

Bo abantu basala abachala abanji, mukaya akakulu nkani mukabamo ubwite. Pakasi pabantu 40,000 mu Izilayeli, patakabapo nayumoyumo umuntu, yuyo akanyamula ingulu pamo impalala.

1 Samuweli 12:7

Polelo imilila bulo panapa ukuti imbasusye pamaso pa Mwene pambombo zyosi ingolosu zizyo u Mwene akababombela, amwe poka na banyenya binyu.